ل… آپ کی ذریت منقطع ہو جائے گی غایت درجہ تین سال شہرت رہے گی۔
م… ’’خدا تیرے نام کو اس روز تک جو دنیا منقطع ہو جائے۔ عزت کے ساتھ قائم رکھے گا۔‘‘ (ایضاً)
ل… خدا کہتا ہے۔ چند روز تک قادیان میں نہایت ذلت و خواری کے ساتھ کچھ تذکرہ رہے گا۔ پھر معدوم و محض ہو جائے گا۔
م… ’’تیری دعوت کو دنیا کے کناروں تک پہنچائوں گا۔‘‘ (ایضاً)
ل… آپ تو کس باغ کی مولی ہیں۔
م… ’’میں تجھے اٹھائوں گا۔‘‘ (ایضاً)
ل… آپ اٹھانے کے قابل ہیں۔ میری یہی دعا ہے کہ بہت جلد اٹھائے جائیں اور درکات میں ڈالے جائیں۔
ظالمے را خفتہ دیدم روز
گفتم این فتنہ است خوابش بردہ بہ
م… ’’تیرا نام صفحہ زمین سے کبھی نہیں اٹھے گا۔‘‘ (مجموعہ اشتہارات ج۱ ص۱۰۳)
ل… جو آپ کا چرچا رہے گا۔
م… ’’اور ایسا ہوگا۔ کہ سب وہ لوگ جو تیری ذات کی فکر میں لگے ہوئے ہیں اور تیرے ناکام رہنے کے درپے اور تیرے نابود کرنے کے خیال میں ہیں۔ وہ سب ناکام رہیں گے اور ناکامی کے ساتھ مریں گے۔‘‘ (ایضاً)
ل… بقول مرزا آج تک تو کوئی اس کا مخالف اور مکذب ناکامی اور نامرادی سے نہیں مرا … مخالف اسی طرح شاد کام رہ کر سرکوبی اور گوشحالی کرتے رہیں گے۔ اور بذریعہ اشتہارات بحکم خداوند تعالیٰ مکاروں کے مکر ظاہر کرتے رہیں گے۔
م… ’’لیکن خدا تجھے بکلی کامیاب کرے گا۔ اور تیری مرادیں تجھے دے گا۔‘‘ (ایضاً)ل… آج تک تو آپ بکلی ناکام رہے اور ساری مرادوں سے محروم تام جب اس عمر تک ناکامی رہی ہے۔ تو آئندہ بھی نامرادی رہے گی کوئی امید نہ بر آئے گی۔
م… ’’میں تیرے خالص دوست اور دلی محبوں کا گروہ بڑھائوں گا۔ ان کے نفوس و مال میں برکت دوں گا اور کثرت بخشوں گا۔‘‘ (ایضاً)
