مصاحب… الحمد اللہ مبارک مبارک پھر ایک مرتبہ ہی مبارک مبارک کی آواز سے مسجد گونج گئی۔
حاضرین… الحمد للہ حضور اللہ تعالیٰ کا بڑا فضل ہوا۔ لڑکی کے پیدا ہونے سے مخالفوں نے زبان طعن کو دراز کر رکھا تھا۔ اب ان کے منہ میں خاک پڑے گی۔ خدا تعالیٰ اس مولود کو عمر طبعی پر پہنچائے۔ اور حسب بشارت خود سب وعدہ پورا کرے۔
پھر کل آواز آمین سے مسجد گونج اٹھی۔
مولوی صاحب… اب یہ مولود تو وہی بشیر موعود ہے جس کی نسبت حضور کو الہام ہوا تھا عزرائیل۔
حضرت اقدس… بے شک اب عقیقہ کا سامان کیا جائے ایک مضمون لکھو اور فوراً مطبع میں شائع ہونے کے واسطے بھیج دو۔ اور احباب عقیدت کیش کے پاس خط دعوت اور مخالفین کے پاس اشتہار قلمی بذریعہ رجسٹری بھیج دو۔
مولوی صاحب… نہایت مناسب بلکہ ضروری اور ان سب ان نامعقول کے منہ میں دیا جائے پہلے لڑکے کی پیشگوئی میں جو لڑکی ہوئی تو زمین کو سر پر اٹھا رکھا ہے۔ ذرا سر تو نیچا ہوجائے۔
حضرت… ہم نے شائع کرا دیا تھا۔ کہ یہ ضرور تھوڑا ہی ہے کہ وہ مولوی موعود اسی حمل میں پیدا ہوتا اس میں نہیں اس کے قریب کے حمل میں سہی۔
مصاحب… اب تو خدا تعالیٰ نے سب مخالفین کو خاک درد ہاں سرنگوں کردیا۔
شاہ جی… حضور اب عقیقہ کی تقریب پر وہ خوشی کی جائے کہ زمانہ میں یاد گار ہو جائے اور اس کی نظیر زمانہ میں ہاتھ نہ آئے۔ اتنے میں نوبتی نقار خانہ لے کر آگئے نوبت خانہ رکھا گیا نفری کی آواز کے ساتھ ہی نقارہ پر چوٹ پڑی۔ اور لوگ ڈوم کنجر مراسی نیر نیر ڈپھ ہاتھ میں لئے آوارد ہوئے اور ایک جلسہ قائم ہوگیا۔
مرید… یہ راگ اور نفیری کا بجانا اور نقار خانہ رکھا جانا جائز ہے۔
حضرت اقدس… جب آسمانوں پر اس مولود کے تولد کے شادیانہ بجتے ہیں اور نوبت خانہ تو زمین پر کیوں نہ ہو۔
خوشامدی… حق ہے حق ہے سبحان اللہ و بحمد کیا عمدہ جو اب ہے اعجاز ہی اعجاز۔
۲… اس میں کیا شک ہے ہر کہ شک آرد کافر گردد اللہ کے مامور اور مرسل کا کوئی کام خلاف امر الٰہی کے نہیں۔ حضور کو کشف سے معلوم ہوگیا ہوگا۔ کہ آسمان پر نوبت خانہ رکھا گیا ہے۔