کسی اور صاحب نے کیا ہو۔ یا آپ نے اپنے دل سے گھڑا ہو۔ تو عین درست ہے۔ کیونکہ اگر وہ لڑکا آسمانوں سے خدا کا مرسلہ آتا ہے۔ تو اس کی قدرت کاملہ کے آگے نو ماہ کے اندر یا اسی حمل سے پیدا کرنا محال نہ تھا۔ یہ ساری آپ کی چالاکی ہے۔ جس سے ادنیٰ و اعلیٰ شاکی ہے سوچا ہوگا اس مدت بعیدہ میں خفیہ خفیہ کوئی فریب بنا کر لڑکا پیدا کریں گے۔ اول تو آپ کی نظر عمل موجود پر تھی۔ سو اس کا نتیجہ تو ظاہر ہوگیا۔ آئندہ جو مکر بنائو گے۔ اس کے ثمرہ سے خجالت اٹھائو گے۔ ہمارا الہام یہ کہتا ہے۔ کہ لڑکا کیا تین سال کے اندر اندر آپ کا خاتمہ ہو جائے گا۔ اور آپ کی ذریت سے کوئی باقی نہیں رہے گا۔
الف… ’’اس کا جواب یہ ہے کہ جن صفات خاصہ کے ساتھ لڑکے کی بشارت دی گئی ہے۔ کسی نے میعاد سے اس کی عظمت و شان میں فرق نہیں آسکتا بلکہ عین انصاف کی بات ہے۔ کہ ایسی اعلیٰ درجہ کی خبر جو ایسے نامی آدمی کے تولد پر مشتمل ہے۔ انسانی طاقتوں سے بالاتر ہے۔‘‘ (ایضاً)
ج… مرزا خود ہی سوال و جواب گھڑ کر اپنی لطافت بیان کرتا ہے۔ مگر جہالت کہاں جائے۔ علت دھوبی جائے عادت کبھی نہ جائے، سوال دیگر، جواب دیگر اعتراض تو ایسے بنا کر جمایا کہ نو برس کی میعاد میں مکر و فریب کی گنجائش ہوسکتی ہے۔ تو اس کا جواب تو کہاں بخلاف اس کے عظمت و شان کا رونا رونے لگے۔ پہلے اعتراض میں یہ کہاں ہے۔ کہ نو برس کی میعاد میں اس کی عظمت و شان زائل ہو جائے گی۔ یا وہ ایسا ذلیل و خوار ہوگا۔ کیا خدا نو برس کا کام ایک لمحہ میں نہیں کرسکتا۔ اور آپ کو سرخرو نہیں بنا سکتا مرزا صاحب آپ انسان تو نہیں جو یہ کام آپ سے نہ ہوسکتا ہو آپ تو دنیا میں خدا پیدا ہوئے ہیں اس لیے آپ سے کچھ بڑی بات نہیں۔الف… ’’ماسوا اس کے بعد اشتہار مندرجہ بالا کی دوبارہ اس امر کے انکشاف کے لیے جناب باری میں توجہ کی گئی تو ۸؍اپریل۱۸۸۶ء کو خدا کی طرف سے یہ کہا کہ ایک لڑکا بہت ہی قریب ہونے والا ہے جو مدت حمل سے تجاوز نہیں کرسکتا۔‘‘ (ایضاً)
ج… لیجیے مدت حمل سے تو تجاوز کر گیا۔ لڑکا تو درکنار ۱۵ اپریل کو مردہ لڑکی پیدا ہوئی۔ اب بتلائیے وہ الہام کدھر گیا خدا جھوٹا ہوا یا آپ، اب بھی شرمائو گے یا شعبدہ دکھلائو گے۔ معلوم ہوا کہ آج تک اسی واسطے کوئی خبر اخبار یا اشتہار میں نہیں چھپوائی تھی۔ گھر بیٹھے بیٹھے مکر بناتے تھے۔ فقط ایک ہی خبر چھپوائی سو دیکھو کیسی رسوائی اٹھائی اب یا تو لڑکی سے لڑکا بنائیے۔ یا نہیں لن ترانیوں سے باز آکر تازیست منہ نہ دیکھلائے۔
اگر در خارکس ست حرفی بس ست
