روح کو منگوا کر دکھلائیے اور جو اپنی فضیلت میں حضرت مسیح اور دیگر انبیاء کی تکذیب کی ہے۔ دراصل یہ ان کی تکذیب نہیں بلکہ تم نے محمد صاحب کی تکذیب اور قرآن کو باطل بتلاتے ہو۔ کیونکہ اس میں حضرت مسیح اور دیگر انبیاء کی تصدیق لکھی ہے اور آپ کے نزدیک لکیریانی کی ہے۔ بس ثابت ہوا کہ آپ کے نزدیک عیسی اور بائبل اور قرآن سب جھوٹے ہیں اور جو کچھ اس میں لکھا ہے سب الف لیلیٰ کے قصے ہیں۔الف… ’’اور مردہ صرف چند منٹ کے لیے زندہ رہتا تھا۔ اور پھر دوبارہ اپنے عزیزوں کو چھوڑ کر رخصت ہوتا تھا۔‘‘ (ایضاً)
ج… آپ کے الہام کی برکت سے تو دختر مردہ چند منٹ بھی زندہ نہ رہی بلکہ مردہ ہی پیدا ہوئی اب بتلائیے حضرت مسیح اور دوسرے انبیاء کا معجزہ افضل ٹھہرایا آپ کی جعل سازی کا ثمرہ بہتر ہوا۔
الف… ’’اگر مسیح کی دعا سے کوئی روح دنیا میں آئی۔ تو اس کا آنا نہ آنا برابر ہے۔‘‘ (ایضاً)
ج… بھلا مسیح کی مدعوئی سے کچھ فائدہ ہوا یا نہ ہوا؟ کلام اس میں ہے۔ کہ آپ کی روح مطلوبہ سے کیا فائدہ ہوا؟ البتہ اس کا آنا آپ کے لیے بہت مفید ٹھہرا جس سے ہمیشہ کے لیے آپ کا کذب یہاں کھل لکھا۔
الف… ’’مگر اس جگہ بفضلہ و برکت حضرت خداوند کریم نے اس عاجز کی دعا قبول کرکے ایسی بابرکت روح بھیجنے کا وعدہ فرمایا ہے۔ جس کی ظاہری اور باطنی برکتیں تمام دنیا میں کھلیں گی۔‘‘
(ایضاً)
ج… ایسے خدا کے وعدہ کا کیا اعتبار ہے جس کا دم بدم دگرگونہ کام ہے پہلے اشتہار میں بہت اقرب وعدہ کیا پھر نو برس کی مدت بتلائی پھر اسی حمل سے لڑکا دینے کا اقرار کیا آخرش فقط مردہ لڑکی عطا کی۔ چوکفر از کعبہ بر خیزد کجا ماند مسلمانی۔ یہی بابرکت روح تھی۔ کہ جس کے دینے کا وعدہ کیا تھا۔ اور یہی اس کی ظاہری دنیا میں برکتیں تھیں۔ کہ آپ کو کاذب کردیا۔ اور اپنی والدہ کو مرض مہلک میں مبتلا کیا۔
الف… ’’جو لوگ مسلمانوں میں چھپے ہوئے مرتد ہیں۔ وہ آنحضرت کے معجزات کا ظہور دیکھ کر خوش نہیں ہوئے۔‘‘ (مجموعہ اشتہارات جدید ایڈیشن اشتہار نمبر۳۴ ج۱ ص۱۰۰)
ج… ظاہر مسلمانوں میں آپ سے زیادہ کوئی مرتد نہیں ہوتا۔ جو اپنے شعبدے اور خود غرضی مطالب کو حضرت کا معجزہ کہتے ہو اور اگلے پچھلے سب سے افضل اور اعلیٰ بنتے ہو۔
