Deobandi Books

موصی کا  قبل الموت مجنون ہوجانا:
یعنی اگر کوئی عقل و حواس کی حالت میں وصیت کرے اور پھر مرنے سے قبل مجنون ہوجائے تو کیا اُس کی وصیت نافذ ہوتی ہے یا باطل ، اِس کی تفصیل سے پہلے یہ سمجھئے کہ جنون کی دو قسمیں ہیں :
(1)جنونِ مطبق، جو چھ مہینہ سے متجاوز ہو  ۔
(2)جنونِ غیر مطبق، جو چھ مہینہ سے کم کم ہو ۔
اِس پر تو  سب کا اتفاق ہے کہ جنونِ غیر مطبق یعنی وہ جنون جو چھ مہینہ سےکم ہو ، اُس سے وصیت باطل نہیں ہوتی ، البتہ جنونِ مطبق  جس میں چھ مہینہ سے زیادہ جنون ہوتا ہےاس سے وصیت باطل ہوتی ہے یا نہیں ، اِس میں اختلاف ہے :
٭―امام ابوحنیفہ ﷫: وصیّت باطل ہوجائے گی ، اگرچہ چھ مہینے سے زیادہ مجنون رہنے کے بعد وفات سے قبل صحیح بھی ہوجائے ، اِس لئے کہ جنونِ مطبق وصیت کو باطل کردیتا ہے ۔
٭―ائمہ ثلاثہ﷭:وصیت باطل نہ ہوگی ، اِس لئے کہ وصیت کے وقت وہ اہلیت رکھتا تھا اور نفاذِ وصیت کے لئے  یہی کافی ہے ۔(الفقہ الاسلامی :10/7554)

(((ــــــــ٭٭٭ــــــــ)))