پر ایک لکیر لمبائی میں کھینچ لیں جس میں فاصلہ فاصلہ سے ایک سے دس تک کا عدد لکھا ہوا ہو، پھر ایک دوسری لکیر چوڑائی میں اسی طرح کھینچ دیں ، پھر باقی دواطراف سے لکیر کھینچ کر مربع (چوکور ڈبہ) کی شکل مکمل کرلیں، اس کے بعد اعداد کو ملاکر خانے بنالیں، جب خانوں کو شمار کریں گے تو کل سو خانے ہوں گے۔ یہی مطلب ہے دہ دہ در کی تعبیر کا۔گویا اصطلاحی اعتبار سے یوں کہیں گے کہ جس حوض کا کل رقبہ: ۲۰ میٹر، ۹۰۳ ملی میٹر،۱۸۴ میکرومیٹر ہو وہ حوض کبیر ہے۔ طبع اول میں اس مقام پر اس ناکارہ سے چوک ہوئی ہے، ناظرین درست فرمالیں۔
دوقلہ کی مقدار
امام شافعیؒ کے نزدیک دوقلہ پانی کثیر ہوتا ہے، اس سے کم پانی قلیل مانا جاتا ہے۔ باب دوم میں معلوم ہوچکاکہ دوقلہ: ایک سو اکتالیس کلو، سات سو سترہ گرام، چھ سو ملی گرام (۱۴۱ کلو، ۷۱۷ گرام، ۶۰۰ ملی گرام)کے مساوی ہے۔
کتاب الصلاۃ
طلوع وغروب کے وقت مکروہ وقت کی مقدار
سورج طلوع ہوتے وقت کوئی بھی نماز پڑھنا گناہ ہے، جب تک سورج میں اتنی روشنی نہ آجائے کہ اس پر آنکھ نہ ٹھہرسکے۔ اسی طرح شام کے وقت سورج پیلا ہوجانے کے بعد غروب تک وقت مکروہ رہتا ہے، اس وقت بھی کوئی نماز پڑھنا گناہ ہے، البتہ اگر اسی دن کی عصر کی نماز کسی وجہ سے نہ پڑھ سکا ہو تو پڑھ لینا ضروری ہے، قضا کردینا گناہ ہے۔
سورج میں مطلوبہ روشنی آنے میں کتنے منٹ درکار ہوتے ہیں یا زردی آنے کے کتنے منٹ بعد سورج غروب ہوجاتا ہے؟ موسم اورمقام کے فرق سے اس میں تغیر وتبدل ہوسکتا ہے؛ اس لئے ہرجگہ کے لئے کوئی ایک فیصلہ مفید نہیں۔ جو حضرات جنتری بنانا چاہتے ہیں، ان کو بہت احتیاط سے کام لینا چاہئے۔ مولانا رشید احمد لدھیانوی ؒ نے اس کا ضابطہ احسن الفتاوی میں لکھ دیا ہے، وہاں دیکھ لینا چاہئے۔