حضرت ابو ذر غفاری رضی اللہ عنہ |
طبوعہ ر |
|
حضرت انیس رضی اللہ عنہ واپس ہوئے ایک معمولی انداز کے ساتھ ملے اور پھر پوچھا کہ اتنی دیر تم نے کہاں لگائی. حضرت انیس رضی اللہ عنہ نے فرمایا کہ : "اسی آدمی سے ملنے میں دیر ہوئی. اس کا طریقہ وہی ہے جو آپ کا ہے اور وہ اچھی عادتوں کی تعلیم دیتا ہے اور یہ صحیح ہے کہ وہ اپنے آپ کو رسول گمان کرتا ہے". حضرت ابوذر رضی اللہ عنہ نے فرمایا کہ اچھا مکہ والے ان کو کیا کہتے ہیں کیسا آدمی سمجھتے ہیں. انیس رضی اللہ عنہ نے کہا کہ کوئی اسے شاعر کہتا ہے اور کوئی کاہن کہتا ہے. حضرت ابوذر غفاری رضی اللہ عنہ اس موقعہ پر غایت نشاط و مسرت کے ساتھ اپنے اسلام کی حالت بیان کرتے ہوئے خاص اس مقام پر فرمایا کرتے تھے: "انیس حالانکہ ایک اچھا شاعر تھا مگر اس نے یہی کہا کہ صاحب میں نے شعر کے اوزان پر ان کے شعروں کو خوب جانچا. شعر تو وہ یقیناً نہیں ہیں. رہا کاہن تو میں سینکڑوں کاہنوں سے بھی ملا ہوں ان کی باتیں سنی ہیں لیکن اس شخص کے کلام کو ان کی گفتگو سے کوئی واسطہ نہیں. قسم خدا کی وہ سب کے سب جھوٹے ہیں یقیناً وہ سچا ہے وہ مکارم اخلاق کی تعلیم دیتے ہیں نیکی کا حکم کرتے ہیں بدی سے روکتے ہیں ". ١ حضرت ابوذر رضی اللہ عنہ کا کیا حال ہوا. پوچھنے کی ضرورت ------------------------------ ١۔ صحاح و طبقات 12