ماہنامہ الحق مارچ اپریل مئی 2014ء |
امعہ دا |
|
سہرا ’’جذباتِ محبت‘‘ بموقع تقریب شادی خانہ آبادی برادر محترم حافظ راشد الحق سمیع حقانی مدیر ماہنامہ الحق دارالعلوم حقانیہ اکوڑہ خٹک ‘ بتاریخ ۱۰ / نومبر ۲۰۰۰ء از ! حافظ محمد ابراہیم فانی ؔ …………………… آ گیا وہ لمحہء گلبار و وقت بہتریں واسطے جس کے رہی یوں منتظر جان حزیں یہ نوید نو عروسی یہ پیام عنبریں لائق صد ناز و تمکیں قابل صد آفریں بزم حقانی پہ آئی پھر بہار اندر بہار فصل گل کا یہ چمن ملجا ہو ماویٰ بار بار ہر گل تازہ ہو اس کا رشک جنت باوقار ہر قدم پر اس پہ نازل لطف رب العالمیں غرق دریائے سرور و کیف ہے یوں سر بسر آج مولانا سمیع الحق مدیر دیدہ ور کس قدر رخشندہ تر ہیں واہ یہ شمس و قمر غازئہ فطرت سے رخسار شفق ہے احمریں رنگ الفت ذوق شکر رب ہے گویا آشکار چار سو خوشیوں کے نغمے کیف عشرت کا خمار سنبل و ریحاں سے پرہے آج دامان بہار نغمہ زن ہیں وجد میں حورانِ فردوس بریں آج شادی ہے یہ راشد حافظ قرآن کی اور خوشیاں ہیں دو بالا حامد ذیشان کی روح ہوگی شاد کتنی آج دادا جان کی دل کشا ہے اب فضا گل گشت ہے روئے زمین دائماً خوشیاں ہوں یہ قائم نہ ہو اس کی توحد