کلمات بابرکت
عالم ربانی عارف باللہ جامع شریعت و طریقت شیخ الحدیث حضرت مفتی آدم صاحب
(دامت فیوضہم و برکاتہم العالیہ)
الحمد للہ وحدہ، والصلوۃ والسلام علی من لا نبی بعدہ، وعلی آلہ و صحبہ
اما بعد : زندگی کے اوقات کی قدر و اہمیت کو سمجھنانے کے لئے اللہ تعالی نے اپنے مقدس کلام میں مختلف اوقات کی قسمیں کھائی ہیں، اور رسول پاک ﷺ نے تو صراحۃ اوقات کو اچھے کاموں میں مشغول رکھنے کا حکم دیا ہے۔
لہذا ہمیں اپنے اوقات کو ضائع اور بے کار نہیں کرنا چاہئے، اس سے دنیا اور آخرت کے فوائد حاصل کرنے چاہئے، اس کو اچھی طرح سمجھانے کے کئے عزیزم مولوی مفتی سعید احمد صاحب مجادری سلمہ نے بہترین مضامین جمع فرمائے ہیں، احقر نے ان کو پڑھااور بہت ہی مفید اور مؤثر پایا۔
جو شخص اپنے اوقات سے بھرپور فائدہ اٹھانا چاہتا ہو اسے چاہئے کہ چوبیس گھنٹے کا نظام الاوقات بنالے، اس کی وجہ سے اعمال کی پابندی آسان ہوگی، اور اوقات میں خوب برکت بھی ہوگی، ہمارے اکابرین کا یہی معمول رہا ہے، اللہ تعالی اس کتاب کو لوگوں کے لئے نافع بناوے، اور مؤلف کے لئے ذخیرۂ آخرت بناوے، آمین۔واللہ الموفق فقط والسلام
احقر آدم بھیلونی ۲۸؍ ذی الحجہ ۱۴۳۵ھ
خادم شعبہ ٔ افتاء و حدیث جامعہ نذیریہ کاکوسی