دعوت و تبلیغ کی اہمیت و ضرورت اور اس کے مقاصد |
ww.alislahonlin |
|
موجودہ اختلافات اور ان کا حل منتظمین اور ارباب حل وعقد کے درمیان اختلاف کے وقت کالائحہ عمل اس رسالہ کے لکھنے کے وقت کئی لوگوں کے فون آئے جن میں لوگوں نے دریافت کیا کہ مرکز میں اختلاف کی وجہ سے ہمارے علاقہ میں سخت انتشار ہے، کچھ اکابر مرکز سے علٰحدہ ہوگئے ہیں ، ہم لوگوں کے درمیان یہ بات موضوعِ بحث بنی ہوئی ہے کہ کون لوگ حق پر ہیں ، کن لوگوں کے ساتھ مل کر کام کرنا چاہئے، ہم کس کی حمایت کریں ، امارت حق ہے، یا شورائی نظام درست ہے؟ وغیرہ وغیرہ اس طرح کی دسیوں باتیں ملک وبیرون ملک موضوع بحث بنی ہوئی ہیں جس سے کام کو بھی نقصان پہنچ رہا ہے اور آپسی اختلاف بڑھتا جارہا ہے، اس لئے اس کو سنجیدگی سے حل کرنے کی ضرورت ہے ۔ اکابر اور دینداروں کے درمیان اختلاف ہوجانے کی صورت میں ہم کدھر جائیں ؟ کن کی حمایت کریں ؟ کن لوگوں کے ساتھ مل کر کام کریں ؟ یہ سوالات واقعی بڑی اہمیت رکھتے ہیں ، اس کا جواب یہ ہے کہ شریعت نے کسی موقع پر ہم کو آزاد نہیں چھوڑا ہے، ایسے موقع کے لئے بھی شریعت نے ہماری رہنمائی کی ہے، اس سلسلہ میں حکیم الامت حضرت مولانااشرف علی تھانویؒ کا نہایت جامع مضمون ہے جو مخلص اور طالب صادق کی رہنمائی اور عمل کے لئے انشاء اللہ بہت کافی ہے، اور حضرت مولانامفتی محمد شفیع صاحبؒ کا مختصر مضمون جس کو حضرت مفتی صاحب نے اپنی تفسیر میں قرآن پاک کی روشنی میں تحریر فرمایا ہے وہ بھی ایک مخلص شخص کی رہنمائی کے لئے ان شاء اللہ کافی ہوگا، اللہ تعالیٰ ہم سب کو اخلاص کامل کے ساتھ صراط مستقیم پر ثبات قدمی نصیب فرمائے۔