بیوی… میرا خیال ہے کہ یہ الہامات شیطانی تھے۔ کیونکہ جن جن پیشین گوئیوں کو مرزا نے عظیم الشان قرار دیا۔ انہی میں اس نے نیچا دیکھا۔
قاضی صاحب… اگر یہ الہام شیطانی تھے۔تو شیطانی تھے ہی اوراگر مرزا قادیانی خود گھڑ کر ان کو خدا کی طرف منسوب کرتا تھا۔ تب بھی ایک طرح کے شیطانی ہی تھے۔ کیوں مولوی صاحب؟
نووارد… قاضی صاحب سچ فرماتے ہیں۔ مگر ان میں فرق کچھ نہ کچھ ضرور ہے اورمیرا پختہ یقین ہے کہ مرزا قادیانی اپنے الہام خود گھڑتا تھا۔وجہ یہ ہے کہ شیطان کا تو یہ کام ہے کہ انسان کو عبادت سے روکے اور برے کاموں کی طرف ترغیب دے۔ اس کا یہ کام نہیں کہ کسی کے دل میں ایسے وسوسے ڈالے جن سے اس کا گھر دولت سے بھر جاوے۔ مرزا قادیانی کے جتنے الہام تھے۔ ذاتی فائدے کے تھے۔ نہیں مانتے تو ان کے الہام ایک ایک کرکے میرے پیش کرتے جائیے اور مجھ سے ان کے فوائد سنتے جائیے۔
گاموں… مرجے نے۱؎ تے شیطان دی بادشاہی کھو لئی سی۔پھر اس نے مرجے نوں کی کھٹانا سی۔
قاضی صاحب… بابوصاحب اب اس قصہ کو تمام کیجئے۔ مولوی صاحب یہ تو آپ نے ثابت کر دیا کہ مرزا قادیانی کا دسمبر ۱۹۰۵ء کا موت کا الہام بالکل جھوٹا اورخودساختہ تھا۔ کیونکہ اس کے بعد اشتہار خدا سچے کا حامی ہو۔ مورخہ ۱۶؍اگست۱۹۰۶ء میں اور اشتہار مولوی ثناء اﷲ صاحب کے ساتھ آخری فیصلہ مورخہ ۱۵؍اپریل ۱۹۰۷ء میں اور اشتہار تبصرہ مورخہ۵؍نومبر ۱۹۰۷ء میں جن میں مرزاقادیانی نے اپنے دشمن علماء دین سے سر کی بازی لگائی ہے۔ کہیںاشارہ بھی اس بات کا نہیں کہ ان کو موت کاالہام ہو چکا ہے۔ بلکہ اپنے دشمنوں کی زندگی میں نہ مرنے پر ایسے اکڑ رہے ہیں کہ کوئی مسلمان بغیر ایسی موت کے الہام ہونے کے بھی نہ اکڑتا۔ تواب سوال یہ ہے کہ یہ جھوٹا الہام موت کے قریب ہونے کا مرزا قادیانی نے کیوں گھڑا۔ اس سے ان کو کیا فائدہ پہنچا۔
نووارد… قاضی صاحب آپ نے سوال نہایت معقول کیااور اس کا جواب دینا میرا فرض ہے۔ کیونکہ میں دعویٰ کرچکا ہوں کہ کوئی الہام مرزا قادیانی کا میرے سامنے لاؤ میں مرزا کا ذاتی فائدہ اس سے ثابت کروںگا۔
۱؎ مرزے نے تو شیطان کی بادشاہی چھین لی تھی۔پھرشیطان نے مرزے کو کیا فائدہ پہنچاناتھا۔
