M!
عرض مرتب
نحمدہ ونصلی علیٰ رسولہ الکریم۰ امابعد!
محض اﷲ رب العزت کے فضل وکرم سے احتساب قادیانیت کی جلداکاون(۵۱) پیش خدمت ہے۔ اس جلد میں دس عدد کتابیںشامل اشاعت ہیں۔ جن کی تفصیل یہ ہے:
۱… آئینہ مرزا یا مرزائی ناول:
حضرت مولانا عبدالحئی کوہاٹی اس کے مصنف ہیں۔ ناول کی طرز پر اس کتاب کو لکھا ہے۔ قادیانی فتنہ سے متعلق جدید انداز تفہیم اپنایا گیا ہے۔ ابتداء میں یہ کتاب سٹیم پریس راولپنڈی میں باہتمام مہتہ کشن چند موہن پرنٹرکے ہاں شائع ہوئی۔ پاکستان بننے سے بہت پہلے کی شائع شدہ ہے۔ کتاب خوب دلچسپ ہے۔ پہلے ایڈیشن کے ۲۴۰؍صفحات تتھے۔ اب دوسرا زیر نظر ایڈیشن جو آپ کے ہاتھوں میں ہے۔ اس کے صفحات ۲۴۲ ہیں۔ گویا طابق النعل ہوگیا۔ کم وبیش پون صدی بعد اس کتاب کی دوبارہ اشاعت ہم اپنی سعادت سمجھتے ہیں۔
۲… ضرورت رسالت (حصہ اوّل):
۳… ضرورت رسالت (حصہ دوم):
ان کے مؤلف حضرت مولانا سلطان محمود صاحب ہیں جو مدرسہ عالیہ فتح پوری دہلی کے صدر مدرس تھے۔ بہت پہلے کی شائع شدہ ہے۔ اس کے پہلے ایڈیشن کے ٹائٹل پر یہ تعارف شائع کیا گیا تھا۔ ’’اس رسالہ میں مسئلہ نبوت ورسالت کے تمام پہلو دلائل عقلیہ ونقلیہ سے واضح کئے گئے ہیں اور اس رسالہ کے دو حصے کردئیے گئے ہیں۔ حصہ اول میں مطلق نبوت ورسالت کی تشریح کی گئی ہے جو مشترک ہے تمام انبیاء علیہم السلام میں، اور حصہ دوم میں خاص جناب رسول اﷲﷺ کے افضل الرسل وخاتم الانبیاء ہونے کی تشریح ہے اور ان دونوں حصوں میں اصل مسئلہ کی تشریح کے علاوہ مخالفین اسلام کی تردید بھی نہایت مدلل طریقہ سے کی گئی ہے۔ خصوصاً مرزائیوں اور عیسائیوں کی۔‘‘
۴… صدع النقاب عن جساسۃ الفنجاب:
اس رسالہ کے مرتب حضرت مولانا سیدمحمدادریس سکروڈھوی مدرس دارالعلوم دیوبند
