بسم اﷲ الرحمن الرحیم
’’ماکان محمدابا احد من رجالکم ولکن رسول اﷲ و خاتم النّبیین۔ وکان اﷲ بکل شی علیما (الاحزاب:۴۰)‘‘{محمدﷺ تمہارے مردوں میں سے کسی کے والد نہیں ہیں۔ بلکہ خدا کے پیغمبر اورنبیوں کی (نبوت کی)مہر(یعنی اس کو ختم کر دینے والے) ہیں اور خدا ہر چیز سے واقف ہے۔}
۱…قادیانیت۔ اسلام کے خلاف انگریزوں کی سازش
قادیانی مذہب یا احمدیت کا اسلام سے کوئی تعلق نہیں ہے۔ قادیانی یا احمدی مسلمان نہیں ہیں۔ یہ جھوٹا مذہب مرزاغلام احمدنامی شخص کا بنایا ہوا ہے۔ یہ شخص ۱۸۳۹ء یا ۱۸۴۰ء میں پنجاب کے ایک مقام قادیان میں پیداہواتھا۔ مرزاغلام احمد قادیانی کے والد غلام مرتضیٰ انگریز گورنر کے درباری تھے۔ ۱۸۵۷ء کی جنگ آزادی کو کچلنے میں پچاس گھوڑوں اور پچاس سپاہیوں سے غلام مرتضیٰ قادیانی نے انگریزوں کی مدد کی تھی۔
۱۸۸۰ء میں مرزاغلام احمد کو کوئی نہیں جانتا تھا۔ اس سال غلام احمد قادیانی نے عیسائیوں اور آریہ سماجیوںکے خلاف ایک کتاب شائع کی۔ جس سے مرزا قادیانی کو بہت شہرت ملی۔ اس کتاب میں مرزا قادیانی نے اسلام پرعیسائی مشینریز اورآریہ سماجیوں کے اعتراضات کا جواب دیاتھا۔ اس کتاب کے اشتہارات مرزا قادیانی نے سارے ہندوستان میں تقسیم کروائے۔ ملک کے کونے کونے سے مسلمان نوابوں، امیروں اور تاجروں نے رقمیں بھیج کر اس کام میں مدد کی۔ اس ناموری اور شہرت سے مرزاقادیانی کادماغ خراب ہوگیا اور وہ خود کو بڑی غیر معمولی علمی اور روحانی صلاحیتوں کا مالک سمجھنے لگے اور اس زعم نے انہیں نبوت کے دعوے کے راستے پر ڈال دیا۔
انگریز سامراج کی مدد
یہ زمانہ وہ تھا جب انگریز اس ملک پر اپنے قبضہ کو مضبوط کرنے کی کوشش میں لگے تھے۔ لیکن ہندوستان کے لوگ ان سے نفرت کرتے اور اس کوشش میں رہتے تھے کہ انگریزوں کو نکال باہر کریں۔ سلطنت مغلیہ کے ۱۸۵۷ء میں خاتمہ سے مسلمانوں کے دل دکھے ہوئے تھے۔ انگریزوں کے خلاف ان کے دلوں میں آگ بھڑک رہی تھی اور جہاں موقع ملتا۔انگریزوں کے
