آنحضرتؐ نے (جنکا میں بروز ہوں) ایک روز اپنے صحابہ سے پوچھا کہ تم زندگی کی کتنی امید رکھتے ہو۔ایک نے عرض کیا کہ یارسول اﷲمیں صبح کی نما زپڑھ لیتا ہوں تو یہ یقین نہیں ہوتا کہ ظہر تک زندہ رہوں گا اورظہر کی نماز نصیب ہو گی یا نہیں۔ دوسرے نے عرض کیا کہ یارسول اﷲؐ میں ظہر کی نماز پڑھ لیتا ہوں تو مجھے یہ یقین نہیںہوتا کہ عصر کی نماز نصیب ہو جائے گی۔ اسی طرح جب سب بیان کر چکے تو اخیر میں آپؐ نے فرمایا’’میں داہنی طرف سلام پھیرتا ہوں۔ تو مجھے یقین نہیں ہوتا کہ بائیں طرف بھی پھیر سکوں گا‘‘اور علاوہ اس کے بروز ہونے کے مقدس وحی نے ۱۹۰۵ء میں مجھے پے درپے ایسے تواتر کے ساتھ میری موت قریب ہونے کی اطلاع دی کہ جس نے میری زندگی کی بنیاد ہلادی ہے اورمیںوصیت بھی کرچکا کہ موت وحیات خدا کے ہاتھ میں ہے۔ جس دن آپ کے دنیا میں رہنے کے دن پورے ہوگئے۔ آپ مر جائیںگے۔ جس دن میرے پورے ہوئے میں مر جاؤں گااور الہام پر تومیرا ایمان ہے۔میں یوم بعثت سے یہی تلقین کرتے کرتے تھک گیا کہ الہام کا نام سن کر چون وچرا نہیں کرنی چاہئے۔ بلکہ سر تسلیم خم کر دیناچاہئے۔
بدگمانی شقی لوگوں کاشیوہ ہے۔ میں آپ کے الہام سے کس طرح انکار کروں۔ خاص کر جب آپ کا الہام میرے الہام سے صاف اورزیادہ واضح ہے۔کیونکہ آپ کے الہام میں میری موت کی میعاد مقرر کر دی گئی ہے اورمیرا الہام گول مول ہے۔شاید فریضہ حج ادا کرنے کے لئے یہ اشارہ ہوا ہے۔ خدا نے ایسا کوئی قاعدہ مقرر نہیں کیا کہ جو پہلے مرے وہ جھوٹا اور جو پیچھے مرے وہ سچا۔ جس کی جتنی عمرروز ازل سے خدا نے مقرر کر دی۔ اتنی بھگت کر اس نے دنیا سے چل دینا ہے۔نہ یہ کہ مرزا قادیانی الہام کا نام سن کر نعل درآتش ہوکر اس الہام کی تردید میں ایک ضخیم فضول کتاب(حقیقت الوحی) لکھ کر اورپانچ روپے اس کی قیمت وصول کرکے لوگوں کا پیسہ،وقت اور ایمان ضائع کرتے۔
بابوصاحب… ڈاکٹر صاحب کے الہام کی نسبت قادیان سے سالانہ جلسوں میں ہمیں یہ تعلیم ملتی رہی کہ مرزا قادیانی نے چونکہ مشتہر کر دیا تھا کہ مجھے موت قریب ہونے کاالہام ہوا۔ ڈاکٹر صاحب نے خبر پاکر ایک تک لگادیا کہ مجھے الہام ہوا ہے کہ مرزا قادیانی فلانی تاریخ سے تین سال کے اندرہلاک ہو جائیںگے۔ مگر یہ الہامی تحریرات ان کی شمہ بھر بھی ظاہر نہیں کرتیں کہ درحقیقت انہیں اپنی موت قریب ہونے کا کوئی الہام ہوا تھا۔ بلکہ برخلاف اس کے آج یہ معلوم ہواکہ مرزا قادیانی کو لگاتارعربی اور اردو میں یہ الہام ہوئے کہ ہم تیری عمر بڑھادیں گے اورتیرے دشمنوں اور
