کے مہذبین کے نزدیک کسی پر لعنت بھیجنا ایک سخت گالی ہے۔ لیکن قرآن مجید کفار کو سنا سناکر ان پر لعنت بھیجتاہے۔‘‘ (ازالہ اوہام ص۲۵،۲۶، خزائن ج۳ص۱۱۵حاشیہ)
قرآن شریف قادیاں میں نازل ہواہے
’’کشفی طورپرمیں نے دیکھا کہ میرے بھائی صاحب مرحوم مرزاغلام قادر میرے قریب بیٹھ کر بآواز بلند پڑھ رہے ہیں۔ پڑھتے پڑھتے انہوں نے ان فقرات کوپڑھا:’’انا انزلناہ قریبا من القادیان‘‘تو میں نے سن کر بہت تعجب کیاکہ کیا قادیان کا نام بھی قرآن شریف میں لکھا ہوا ہے۔ تب میں نے نظرڈال کر دیکھاکہ فی الحقیقت قرآن شریف کے دائیں صفحہ پرشاید قریب نصف کے موقع پر یہی الہامی عبارت لکھی ہوئی ہے۔‘‘
(حاشیہ ازالہ اوہام ص۷۶،۷۷، خزائن ج۳ص۱۴۰)
قرآن کریم کے معجزات مسمریزم ہیں
لکھتے ہیں: ’’قرآن مجید سے ثابت ہوتاہے کہ بعض مردے زندہ ہوگئے تھے۔ جیسے وہ مردہ جس کا خون بنی اسرائیل نے چھپالیاتھا۔ جس کا ذکر ’’واذاقتلتم‘‘کی آیت میں ہے کہ اس گائے کے گوشت کی بوٹیوں سے جس کے ہاتھ سے مقتول کے جسم پر لگنے سے زندہ ہو گیاتھا۔ یا ہو جائے گا۔وغیرہ وغیرہ۔ اس قصہ سے واقعی طور پر زندہ ہونا ہرگز ثابت نہیں ہوتا۔ بعض کاخیال ہے کہ یہ صرف دھمکی تھی تاکہ چور بے دل ہوکر اپنے تئیں ظاہر کردے۔ اصل حقیقت یہ ہے کہ یہ طریق عمل الترب یعنی مسمریزم کا ایک شعبہ تھا۔‘‘
(ازالہ اوہام ص۷۴۸ تا۷۵۰، خزائن ج۳ص۵۰۳،۵۰۴)
حضرت مہدی رضی اﷲ تعالیٰ عنہ نہیں آئیں گے
لکھتے ہیں کہ: ’’محققین کے نزدیک مہدی کا آنا کوئی یقینی امر نہیں۔‘‘
(ازالہ اوہام ص۴۵۷، خزائن ج۳ص۳۳۴)
دجال پادری ہیں اور کوئی دجال نہیں آوے گا
ٰ ’’یہ امر پایہ ثبوت کو پہنچ گیا ہے کہ مسیح دجال جس کے آنے کا انتظار تھی یہی پادریوں کا گروہ ہے۔ جو ٹڈی کی طرح دنیا میں پھیل گیا ہے۔‘‘(ازالہ اوہام ص۴۹۵،۴۹۶، خزائن ج۳ص۳۶۶) لکھتے ہیں:’’وہ گدھا دجال کا اپنا ہی بنایا ہوا ہوگا۔ پھر اگر وہ ریل نہیں تو اور کیا ہے۔‘‘
(ازالہ اوہام ص۶۸۵، خزائن ج۳ص۴۶۹،۴۷۰)
