بھی مسیح کا مثیل بن کر آوے۔ کیونکہ نبیوں کے مثیل دنیا میں ہوتے رہتے ہیں بلکہ خدا تعالیٰ نے ایک قطعی اور یقینی پیش گوئی میں میرے پرظاہر کررکھی ہے کہ میری ہی ذریت سے ایک شخص پیدا ہو گا جس کو کئی باتوں میں مسیح سے مشابہت ہوگی۔وہ آسمان سے اترے گا اورزمین والوں کی راہ سیدھی کردے گا۔ وہ اسیروں کو رستگاری بخشے گا اور ان کو جو شبہات کی زنجیروں میں مقید ہیں،رہائی دے گا۔فرزند دلبندگرامی ارجمند…‘‘ (ازالہ ص۱۵۵،۱۵۶،خزائن ج۳ص۱۷۹۔۱۸۰)
اسی کتاب میں آگے چل کر اس کا اعتراف کیا کہ مسیح موعود کی حدیثیں خود کی ذات پر نہیں جمتیں،مرزاقادیانی نے لکھا: ’’میںنے صرف مثیل مسیح ہونے کادعویٰ کیا ہے اور میرا یہ دعویٰ نہیں کہ صرف مثیل مسیح ہونا میرے پر ختم ہوگیا ہے۔بلکہ میرے نزدیک آئندہ زمانے میں میرے جیسے دس ہزار بھی مثیل مسیح آجائیں۔ ہاں اس زمانے کے لئے میں مثیل مسیح ہوں اور دوسرے کا انتظار بے سود ہے… پس اس بیان کی رو سے ممکن اوربالکل ممکن ہے کہ کسی زمانے میں کوئی ایسامسیح بھی آ جائے جس پر حدیثوں کے بعض ظاہری الفاظ صادق آسکیں۔ کیونکہ یہ عاجز اس دنیا کی حکومت اور بادشاہت کے ساتھ نہیں آیا بلکہ درویشی اورغربت کے لباس میں آیاہے۔‘‘
(ازالہ ص۱۹۹،۲۰۰،خزائن ج۳ص۱۹۷،۱۹۸)
ج… مثیل مسیح ہونے کادعویٰ کرنے کے باوجود مرزا قادیانی نے نبوت کے دعویٰ سے انکار کیا۔ اس کے ساتھ ہی جزوی نبوت کا ایک تصور بھی پیش کیا: ’’اگر یہ اعتراض پیش کیا جائے کہ مسیح کامثیل بھی نبی ہونا چاہئے کیونکہ مسیح نبی تھا تو اس کا اوّل تو جواب یہی ہے کہ آنے والے مسیح کے لئے ہمارے سید و مولیٰ نے نبوت شرط نہیں ٹھہرائی۔ بلکہ صاف طور پریہی لکھا کہ وہ ایک مسلمان ہوگا اور عام مسلمانوںکے موافق شریعت فرقانی کا پابند ہو گا اور اس سے زیادہ کچھ ظاہر نہیں کرے گا میں مسلمان ہوں اور مسلمانوں کا امام۔ ماسواء ا کے اس میں کوئی شک نہیں کہ یہ عاجز خدا تعالیٰ کی طرف سے ہی امت کے لئے محدث ہوکر آیا اور محدث بھی ایک معنی سے نبی ہوتاہے گو اس کے لئے نبوت تامہ نہیں مگر تاہم جزوی طورپر وہ ایک نبی ہی ہے۔‘‘ (توضیح مرام ص۱۸،خزائن ج۳ص۶۰)
(۴)مسیح موعود ہونے کادعویٰ
اب تک تو مرزا قادیانی کو اس بات سے انکار تھا کہ انہوں نے مسیح موعود یعنی آخری زمانے میں پھر آنے والے حضرت عیسیٰ ہونے کا دعویٰ کیا۔ ان کے ہی کہنے کے مطابق دعویٰ صرف یہ تھا کہ وہ حضرت عیسیٰ مسیح سے مشابہت رکھتے ہیں اور ایسی مشابہت رکھنے والے ہزاروں ہو سکتے ہیں او یہ کہ وہ مسیح موعود جن پر رسول اﷲ ﷺ کی حدیثیں پوری اترتی ہیں۔ وہ کوئی اور ہیں
