M
کچھ عرصہ سے قادیانیوں نے مسلمانوں کو ورغلا کر قادیانی بنانے کی کوششیں تیز کر دی ہیں۔ یہ خود کو مسلمان ظاہر کر کے مسلمانوں کے ساتھ میل جول شروع کرتے ہیں۔ علاقہ کے ذی اثر مسلمانوں کی دعوتوں سے آؤ بھگت کرتے ہیں۔ ان میں سے بعض کوقادیان لے جاتے ہیں۔ جہاں آرام و آسائش کے ساتھ ان کی دلجوئی اورضیافت کاخوب انتظام کیا جاتا ہے اور یوں ان کو متأثر کرنے کی کوشش کرتے ہیں۔
بھولے بھالے مسلمانوں کو یہ اندازہ ہی نہیں ہوتا کہ قادیانی مسلمان نہیں ہیں۔ مسلمانوں جیسا نام رکھنے سے وہ دھوکہ میں آجاتے ہیں۔ پھر جب یہ کلمہ بھی پڑھتے، قرآن بھی سناتے ہیں تو سیدھا سادا مسلمان یہ سمجھنے لگتا ہے کہ یہ توبڑے علم والے مسلمان ہیں۔ بعض مقامات پر اسی طرح دھوکہ کھا کر قادیانیوں کو مسجد کا امام اورخطیب مقرر کر دیا گیا۔کیونکہ پیش کش یہ کی گئی کہ بستی کے مسلمانوں سے امام صاحب اورخطیب صاحب کوئی معاوضہ نہیں لیںگے۔
قادیانیوں کی اس سازش سے خبردار کرنے اورگمراہی سے بچانے کے لئے یہ کتابچہ جناب محمد عبدالرحیم قریشی(جنرل سیکرٹری کل ہند مجلس تعمیر ملت،سیکرٹری آل انڈیا مسلم پرسنل لاء بورڈ) نے مرتب کیا ہے۔ اس کتابچہ کی ترتیب میں مرتب نے مولانا الیاس برنیؒ کی کتابوں سے استفادہ کیاہے۔ مرزاغلام احمد قادیانی سے متعلق تقریباً تمام باتیں ان ہی کتابوں سے لی گئی ہیں جہاں اس زمانے کا رسالہ یا اخبار نہ مل سکا۔ مولانا الیاس برنی کی کتاب کے حوالے سے ذکر کیا گیا۔ جن کتابوں کے حوالے دیئے گئے ہیں۔ وہ تمام کتابیں تبلیغ اسلام سوسائٹی کے پاس محفوظ ہیں۔
اس کتابچہ کے مضامین کے خلاصے پر مشتمل ایک پمفلٹ وسیع پیمانے پر اشاعت کے لئے علیحدہ شائع کیا گیا ہے۔اﷲ دین کی اس خدمت کو قبول فرمائے اور اس کتابچہ کو ہدایت کا ذریعہ بنائے۔آمین! (ربیع الاوّل ۱۴۱۱ھ، اکتوبر ۱۹۹۰ئ، سلیمان سکندر، صدر تبلیغ اسلام سوسائٹی، حیدرآباد)
نوٹ… قادیانی خود کو احمدی کہتے ہیں۔ ان میں ایک لاہوری گروہ بھی ہے۔ ان سب کے لئے اس کتابچہ میں لفظ’’قادیانی‘‘استعمال کیاگیاہے۔
