دیگر:’’اسلام ہلال کی طرح شروع ہوا اور مقدر تھا کہ انجام کارآخر زمانہ میں بدر ہو جائے۔ خدائے تعالیٰ کے حکم سے بس خدائے تعالیٰ کی حکمت نے چاہا کہ اس صدی میں بدر کی شکل اختیار کرے۔ جو شمار کی رو سے بدر کی طرح مشابہ ہو۔ پس ان ہی معنوں کی طرف اشارہ ہے خدائے تعالیٰ کے اس قول میں کہ ’’لقد نصر کم اﷲ ببدر‘‘
(خطبہ الہامیہ ص۱۸۴، خزائن ج۱۶ص۲۷۵)
یہ آیت کریمہ جنگ بدر سے متعلق ہے۔ اس میں بدر اس مقام کا نام ہے جہاں مشرکین، اہل مکہ سے پہلے جنگ ہوئی تھی۔ یہاں بدر سے چاند مراد لینا غلط ہے۔ کسی انسان کو ذرا بھی عقل ہو تو وہ سمجھ سکتا ہے کہ اس آیت کریمہ کی ایسی توضیح کرنا جس میں حضرت رسول کریمﷺ کی توہین کی جارہی ہے۔ شیطانیت ہی شیطانیت ہے۔
حضرت امام حسینؓ
’’اے قوم شیعہ!اس پر اصرار مت کرو کہ حسین تمہارا منجی ہے کیونکہ میں سچ سچ کہتا ہوں کہ آج تم میں ایک (مرزا قادیانی) ہے کہ اس حسینؓ سے بڑھ کر ہے۔‘‘
(دافع البلاء ص۱۳، خزائن ج۱۸ ص۲۳۳)
کربلا ئیست سیرہر آنم
صد حسین است درگریبانم
(نزول مسیح ص۹۹، خزائن ج۱۸ص۴۷۷)
حضرت علیؓ
’’پرانی خلافت کا جھگڑا چھوڑدو۔ اب نئی خلافت لو ایک زندہ علی تم میں موجود ہے۔ اس کو تم چھوڑتے ہو اور مردہ علیؓ کی تلاش کرتے ہو۔‘‘ (ملفوظات ج۲ ص۱۴۲)
حضرت ابوبکر صدیقؓ
’’میں وہی مہدی ہوں جس کی نسبت ابن سیرین سے سوال کیاگیا کہ کیا وہ حضرت ابوبکر کے درجہ پر ہے۔ تو انہوں نے جواب دیا کہ ابوبکر کیا وہ تو بعض انبیاء سے بہترہے۔‘‘
(مجموعہ اشتہارات ج۳ص۲۷۸)
خدا کے مشاغل و خدائی تعلقات،ایک اورشیطانی فریب
اﷲ تعالیٰ نے مرزا قادیانی کو کہا:’’میں نماز پڑھوں گا اورروزہ رکھوں گا، جاگتا ہوں اورسوتا ہوں۔‘‘ (البشریٰ جلد دوم ص۷۹، تذکرہ ص۴۶۰، طبع سوم مجموعہ الہامات مرزا قادیانی)
