نووارد… بابو صاحب اگر اجازت ہو تو آپ کے آج کے سوالات کے جواب میں عرض کروں؟
بابو صاحب… کیا مضائقہ ہے۔ بشرطیکہ آپ تہذیب سے باہر نہ جائیں۔
نووارد… بھلا بابو صاحب اگر ایک معزز شخص کسی سے پوچھے کہ آپ کی مالی حالت کیا ہے اور وہ شخص جواب میںکہے کہ جو شخص اپنی دختر کانسبت ناطہ کسی سے کرنا چاہتا ہے۔ وہ اس کی جائداد اور مالی حیثیت کو دیکھا کرتاہے۔آپ فرماویں کہ یہ جواب اس کا تہذیب کے اندر ہے یا اس سے باہر؟
بابو صاحب… بالکل باہر اورکسی بازاری آدمی کا۔
نووارد… بابو صاحب یہ آپ کے نبی کا کلام ہے۔ جس کو اس کے خدا نے الہام کیاتھا کہ’’ انک علی خلق عظیم‘‘ تو خلق عظیم پر ہے۔ یہ دیکھئے (روئیداد مقدمات قادیانی حصہ دوم ص۵)
گاموں… بے بے جی اہ تے تسی کل قرآن وچہ پئے پڑھدے سو۔ (اماں جی یہ تو تم کل قرآن میں پڑھ رہی تھیں)
بیوی… مرزا قادیانی نے اپنے الہام قرآن سے ہی لئے ہیں تاکہ(۱) کوئی مسلمان دم نہ مار سکے۔ (۲) مرزا قادیانی آنحضرتؐ سے کم نہ رہیں۔
بابو صاحب… سنئے اب میرے سوالات سنئے۔ اول قرآن شریف میں ہے کہ اﷲ تعالیٰ نے حضرت عیسیٰ کو فرمایا:’’یعیسی انی متوفیک ورافعک الّی‘‘اس کے معنے ہیں کہ اے عیسیٰ میں تجھے مارنے والا ہوں اورعزت دینے والا ہوں۔اس وجہ سے کہ
۱… قرآن شریف میں جس جگہ وفات کا لفظ استعمال ہوا ہے۔ جہاں خدا فاعل ہے اور انسان مفعول اس جگہ اس کے معنے موت کے ہی ہیں۔
۲… حضرت عبداﷲ ابن عباسؓ نے متوفیک کے معنے ممیتک کے کئے ہیں۔
۳… متوفیک اور رافعک کے درمیان جو واؤ ہے۔ اس کو اگر ترتیب کے واسطے نہ بھی مانا جائے اور محض عطف کے واسطے ماناجاوے۔ تب بھی متوفیک کو کسی دوسرے فقرہ کے بعد رکھنے سے بات نہیں بنتی۔اگررفع کے بعد رکھو تومانناپڑے گا کہ تطہیر نہیں ہوئی۔ حالانکہ ہوچکی۔ اگر مطہرک کے بعد رکھو تو ماننا پڑے گا کہ غلبہ متبعین ابھی تک نہیں ہوا حالانکہ ہوچکا اور اگر سب سے اخیر یوم القیامۃ کے بعد رکھو تو ماننا پڑے گا کہ قیامت تک حضرت عیسیٰ فوت نہیں ہوںگے۔
دوم… دوسری آیت’’واذقال اﷲ یعیسی ابن مریم أانت قلت للناس الخ(المائدہ ۱۱۶)‘‘اس میں اس بات کا فیصلہ کیاگیا ہے کہ آیا عیسائیوں کا تثلیث کا غلط عقیدہ
