بیوی… مولوی صاحب مرزے یامرزائیوں نے ان دہریوں کی کوئی فہرست دی ہے جو مرزے کے اس الہام کے بعد خدا کی ہستی کے قائل ہوگئے؟
نووارد… اجی لاحول ولاقوۃ یہ کام توآنحضرتﷺ کے ہی کرنے کا تھا اورآپؐ نے ہی کر دکھایا۔ جیسے حالی صاحب مرحوم ومغفور فرماتے ہیں:
کبھی کے جو پھرتے تھے مالک سے بھاگے
دیئے سرجھکا ان کے مالک کے آگے
مرزے کے زمانہ میں تودہریوں کی اس قدرکثرت ہوئی کہ یورپ اورامریکہ کا تو ذکر ہی چھوڑدو۔ہندوستان میں جگہ جگہ ان کی سوسائیٹیاں قائم ہوکر ان کے اخبار اوررسالے جاری ہوئے اور دہرئیے ایسے احمق تھے کہ مرزے کی بات پر اعتبار کرتے جو اپنے اشتہار تبصرہ میں کہتا ہے کہ مجھے میرے خدا نے بتایاہے کہ میں فلانے کو مار دوں گا اورتیری عمر کو بڑھادوںگا۔تاکہ معلوم ہو کہ میں خدا ہوں اورپھر اسی خداکو چھوٹاثابت کرنے کے لئے ان تمام فلان اور فلان اور فلان کو زندہ چھوڑ کرگھر سے باہر جاکر کہیںدم دے دیتاہے۔ خداایسا … تھا کہ اس کی معرفت اپنی ہستی کا ثبوت دیتا۔ جس نے اپنے دشمنوں کی زندگی میں مرکر خدا کے فرمائے کا دیوالہ کردیا۔بیوی جی اگر آپ کوئی فہرست طلب کرتی ہیں۔ تو فہرست میں تو انہی لوگوں کے نام درج ہیں۔ جو خدا اور اس کے رسول مقبول کے قائل بلکہ عاشق تھے۔
مرزے اوراس کے الہاموں کو ماننے سے تو خدا قطعی جھوٹا ثابت ہوتاہے۔ پھر دہریوں کو باؤلے کتے نے کاٹاتھا کہ وہ مرزے کی زبانی خدا کے قائل ہوتے۔ ہاں مخالفین اسلام کی گردن پر مرزے کا یہ احسان قیامت تک رہے گا کہ اس نے ان کے ہاتھ میں یہ ثبوت دے دیا کہ اسلام میں جو بعض خدا یا اس کے رسول سے ہم کلام ہونے کا دعویٰ کرتے ہیں۔ یہ جھوٹ اور بکواس ہے اور اس سے دہریت کو اورتقویت ہوئی اورثابت ہوا کہ ایک دہریہ خواہ کتنا ہی پکا مسلمان اورزاہد اور عابد بن کر گھر سے باہر کیوں نہ آوے۔ نتیجہ یہی ہو گا کہ دہریت کو تقویت پہنچے گی۔
۲۲… ’’تومجھ میں اور تمام مخلوقات میں واسطہ ہے۔ میں نے اپنی روح تجھ میں پھونکی۔ تو مدد دیا جائے گا اور کسی کو گریز کی جگہ نہیں رہے گی۔ تو حق کے ساتھ نازل ہوا ہے اور تیرے ساتھ نبیوں کی پیشین گوئیاں پوری ہوئیں۔‘‘(کتاب البریہ ص۷۶، خزائن ج۱۳ص۱۰۲)قاضی صاحب یہ سن کر