ہاں اگر میں نے ان اغلاط کے پکڑنے میں تعصب سے کام لیاہو۔یعنی خواہ مخواہ زبردستی ان کے صحیح الفاظ کو غلط قرار دیا ہو تو قاضی صاحب بیٹھے ہیں۔ وہ فیصلہ دیں۔
بابوصاحب … میں ایسا اجہل بھی نہیں ہوں کہ جو غلطیاں آپ نے پکڑی ہیں۔ ان کو نہ سمجھ گیا ہوں۔ بلکہ میں تو اس خیال میں ہوں کہ اگر آپ سے زیادہ لیاقت کا آدمی اس کی غلطیوں کو تلاش کرے گا۔ تو وہ کس قدر پاوے گا؟ہائے بھلا ہو ان لوگوں کا جو ہمیں یہ سبق دیتے رہے کہ مرزا علم وفضل میں اپنے زمانہ میں اپناثانی نہیں رکھتا۔
نووارد… قاضی صاحب اب مرزاقادیانی کی یعنی ابن فارس کی ایک مثال خواجہ حافظ جیسے مشہور شاعر کے شعر کے نقل کرنے کی بھی دیکھئے۔خواجہ صاحب کے اس شعر کو کہ:
فیض روح القدس اربازند فرماید
دیگراں ہم بکنند آنچہ مسیحا میکرد
مرزا (ص۱۳اربعین نمبر۲،خزائن ج۱۷ص۳۵۹)پریوں نقل کرتاہے:
فیض روح القدس اربازمدد فرمائد
ہمہ آں کارکنند آنچہ مسیحا میکرد
قاضی صاحب دہائی ہے خدائی جو شخص استاد غالب جیسے مشہورشاعر کے اردو شعر کے نقل کرنے میں ایس فحش غلطی کرے اورخواجہ حافظ جیسے شاعر کے شعر کے نقل کرنے میں ایسی فاش غلطی کرے۔ وہ راست باز اور نیکو کار آدمی ہے کہ اس کے شعر کے نقل کرنے میں اگر کسی نے وہ کی جگہ ہے لکھ دیا اور اس سے مطلب شعر میں کچھ بھی فرق نہیں آیاتو اتنی بات پر اس کو بے علم قرار دے دے۔
بابوصاحب… قاضی صاحب مجھے ایک بڑا حصہ اپنی عمر اور کمائی کا اس شخص کی نذر کر دینے سے اس قدر پشیمانی حاصل ہوئی ہے ۔ جس کو میں بیان نہیں کر سکتا۔ اے کاش! میں اپنے دین کی کتابیں پڑھتا۔اس جھوٹے نبی کی تحریروں کو پڑھتا اوربہ نظر تعمق پڑھتا۔ اس فرقہ میںداخل ہونے سے پہلے علمائے دین سے مشورہ کرتا۔
نووارد… بابوصاحب اس لاحاصل پشیمانی کو جانے دیں اور غنیمت سمجھیں کہ خدا نے زندگی میں آپ کو ہدایت دے دی۔مثل مشہور ہے کہ دن کا بھولا اگر رات کو گھر آجاوے تو بھولا نہیں کہلاتا اور روپیہ کا بھی افسوس نہ کریں۔ یہ گندہ روپیہ تھا۔ بابوصاحب مجھے لاہور و امرتسر کے بعض مسلمانوں کا یہ تجربہ ہے کہ میں نے ان سے پوچھا کہ آپ کو قادیانی مذہب سے تو کچھ تعلق نہیں۔ انہوں نے کہا کہ کچھ نہیں۔ اس پر میں نے مرزے کے برخلاف جو کچھ کہنا شروع کیا تو میں نے ان کے چہروں کو