بابوصاحب… اب آئیے اوراپنا مضمون شروع کیجئے۔
نووارد… بابوصاحب مضمون تو یہ بھی وہی ہے مگرخیر۔ ہاں ٹھہرئیے۔ میں نمازکے دو سجدے دے لوں۔ (نماز سے فارغ ہوکر)بابوصاحب!آپ مرزے کی تمام کتابیں اول سے آخر تک پڑھ لیجئے۔ آپ کہیں نہ دیکھیں گے کہ آنحضرتؐ کاکہیں نام آیا ہو اور اس کے واسطے مرزے نے صرف صلعم پر اکتفا کیا ہو۔ بلکہ ہر جگہ پورا ﷺ پاویں گے۔ لیکن دوسرے پیغمبروں کے واسطے مرزے نے بعض اوقات اتنی پرواہ بھی نہیں کی کہ علیہ السلام کا نشان ؑبھی ان کے نام پر لکھے۔ مثلاً دیکھو صفحات (تحفہ گولڑویہ ص۲۶،۵۶،۶۷،۲۶،خزائن ج۱۷ص۱۳۰،۱۳۱،۱۷۴،۱۹۱)نوٹ(دوم حاشیہ ص۷۲ حقیقت الوحی، خزائن ج۲۲ص۷۶)
ان کی عزت کے واسطے نہ حضرت کا لفظ ہے نہ جمع کا صیغہ ہے۔ نہ ؑ ہے۔ ان کے واسطے بالکل انگریزی فیشن اڑا ہے۔ مثلاً ابراہیم کی طرح ،نہ حضرت نہ خلیل اﷲ نہ ؑ اس کی کیا وجہ؟ صرف یہ وجہ کہ آپ نے نہ کسی پیغمبر کوپیغمبر مانا نہ ان کی عزت آپ کے دل میں تھی اور ادھر ٹکوں کا مدار آنحضرتؐ کی عزت اورعشق جتانے پر تھا۔ اس لئے دکھلاوے کے واسطے کاپی نویس کو کیسی سخت تاکید و تنبیہہ کی گئی ہو؟مگر ہم تب مانتے کہ آپ کے دادا کے ساتھ بھی وہی سلوک کیا جاتا۔
قاضی صاحب اسلام میں کیسے کیسے بزرگ گزر گئے۔ مگر آپ نے کبھی سنایا دیکھا کہ انہوں نے اپنی سچائی یا تعریف کے سرٹیفکیٹ لوگوں سے حاصل کرکے اپنی تصنیفات کے ساتھ شامل کئے ہوں۔
قاضی صاحب… لاحول ولاقوۃکیا وہ لوگ کتب فروش دکاندار۔
نووارد… جو شخص مسیح اور مہدی ہونے کا دعویٰ کرے اور اپنی کتابوں میں ایسے سرٹیفکیٹ لگائے۔ آپ اسے کیا کہیں گے؟
قاضی صاحب… کتب فروش دکاندار۔
نووارد… ہمارے ہیرو کی کم کوئی ایسی کتاب آپ دیکھیںگے جس میں ایسی سندات درج نہ ہوں اور یہ سندات اپنے منہ سے کہہ رہی ہیں کہ ہم حاصل کردہ ہیں۔ چودھویں صدی کامسیح جس نے پڑھی ہو اس کو معلوم ہوگا کہ مرزا نے کس قدر زور لگایاکہ شیخ مہر علی صاحب مرحوم و مغفور اس کو سرٹیفکیٹ دیں کہ چیف کورٹ سے میری بریت مرزے کی دعا سے ہوئی۔مگر انہوں نے خلاف واقعہ بات کی۔
تصدیق کرکے خلقت کو دھوکہ دینا پسند نہ کیا(اﷲ ان کوغریق رحمت کرے اور اس کو اجر
