السلام عرض کریںگے کہ خداوند جب تک میں ان میں رہا۔ ان کے حال کا نگران رہا اور جب تو نے مجھے مار دیا۔ تو پھر ان کے حال سے تو ہی واقف تھا۔ اس سے پایا گیا کہ حضرت عیسیٰ علیہ السلام خواہ کسی عمر میں مرے۔ لیکن مرے نہیں ہیں۔ جن کے حالات کی نگرانی کرنا بیان کرتے ہیں۔ پس یہ قصہ کابل اورکشمیر کا یاروں کی گھڑنت ثابت ہوا:
مصیبت میں پڑا ہے سینے والا جیب وداماں کا
جویہ ٹانکا تو وہ ادھڑا جووہ ٹانکا تو یہ ادھڑا
بابوصاحب… مولوی صاحب آپ کا یہ تیسرا جواب ختم ہوا یا نہیں؟
نووارد… بابوصاحب جو اب تو ختم ہوگیا۔ لیکن میں دیکھتا ہوںکہ آپ نے اسے سنا نہیں۔
بیوی… (نووارد کے کان میں)جانے دیں۔ خاموش ہی رہیں۔اس وقت وہ سخت غصہ کی حالت میں ہیں۔ تھوڑی دیر خاموشی طاری رہنے کے بعد بابوصاحب اٹھ کر دفتر کے کمرہ میں چلے گئے اورمرزے کی تمام کتابیں الماری سے نکال کر باہر پھینک دیں اورگاموں کو بلاکر کہا کہ صحن میں ان کاڈھیر لگادے اورخود واپس آکر ۔
بابوصاحب… قاضی صاحب آپ کی جیب میں ماچس تھی۔ ذرا دیجئے گا۔ دیا سلائی کی ڈبی لے کر۔ آئیے آپ بھی تشریف لائیے۔ مولوی صاحب آپ بھی آئیے۔
بیوی… (اپنی جگہ سے اٹھ کر) ذرہ ٹھہرئیے۔ میں تیل کی بوتل بھی لے آؤں۔
گاموں… جی اہ حقیقت الوحی بھی ساڑنی ہے؟
نووارد… کیوں گاموں تونے یہ کیا سوال کیا؟
گاموں… جی مرجا مرگیا تے ڈاکدر صاحب جیوندا رہیا تے ایہ تاںآپے سڑگئی۔ (جی مرزا فوت ہوگیا اورڈاکٹر عبدالحکیم خان زندہ رہا تو یہ تو خود ہی جل گئی۔)
قاضی صاحب… گاموں دیکھنا سب سے پہلے درثمین کو آگ لگانا۔ یہ ریل میں مسافروں کو فریب دینے کے لئے جیبی جمال گوٹہ ہے۔کتابیں جلاکر واپس اپنی اپنی جگہ بیٹھ کر۔
بابوصاحب… غضب خدا کا۔ مولوی صاحب میں آپ سے کیا کہوں۔ رات تمام رات اسی خیال میں میری آنکھ نہیں لگی کہ جب ہمارے پاس ایلیا کی نظیر موجود ہے۔ تو ہم مرزے کو اس کافائدہ کیوں نہ اٹھانے دیں؟ اور میں اب سمجھا کہ جو لوگ مرزے کی اس کلام پر یقین رکھتے ہیں کہ آنحضرتﷺ کی مراد عیسیٰ علیہ السلام سے غلام احمد اور مریم سے غلام مرتضیٰ تھی۔ ان کی نظر میں آنحضرتﷺ کی وقعت ایک … سے(توبہ نعوذ باﷲ)زیادہ نہ ہوسکتی۔
