۵… میں اس بات سے بھی پرہیز کروںگا کہ مولوی ابوسعید محمد حسین یا ان کے کسی دوست یا پیرو کو اس امرکے مقابلہ کے لئے بلاؤں کہ وہ خدا کے پاس مباہلہ کی درخواست کریں تاکہ وہ ظاہر کرے کہ فلاں مباحثہ میں کون سچا اورکون جھوٹا ہے۔ نہ میں ان کو یا ان کے کسی دوست یا پیرو کو کسی شخص کی نسبت کوئی پیشین گوئی کرنے کے لئے بلاؤں گا۔
۶… جہاں تک میرے احاطہ قدرت میں ہے۔ تمام اشخاص کو جن پرمیرا کچھ اثر یا اختیار ہے، ترغیب دوںگا کہ وہ بھی بجائے خود اسی پر عمل کریں۔ جس طریق پر کاربند ہونے کا میں نے دفعہ ۱،۲،۳،۴،۵،۶میں اقرار کیاہے۔قاضی صاحب فرمائیے مرزا قادیانی کا یہ فرمانہ کہ حضرت امام حسینؓ سے بڑھ کرہوں اورظلی طور پر حضرت علیؓ کے کل کمالات رکھتاہوں۔کچھ جھوٹ ہے۔
گاموں… جی حاکم کجہ نا کیتا جے اک دب ہورچاڑہدتے مرجے ہوراں کی توبہ کڈہ دینی سی۔ (اجی صاحب مجسٹریٹ نے کچھ نہ کیا اگر ذرا سا دباؤ اورڈالتا تو مرزا قادیانی الہاموں سے قطعی توبہ گار ہو جاتے۔)
نووارد… گاموںتوغلط کہتا ہے۔مرزا قادیانی نے (ازالہ حصہ اول ؔص۱۵)پر فرمایا ہے :’’غیر اﷲ کا خوف شرک میں داخل ہے۔‘‘پھر خدا نخواستہ مشرک تھے کہ اپنے فرض نبوت ادا کرنے میںکسی سے ڈرتے۔بابوصاحب ظہر کا وقت ہوگیا۔ چلئے کہ نماز پڑھ آئیں۔
بیوی… کیا مرزا قادیانی کے دعوؤں کا سلسلہ آج ختم کرچکے۔
نووارد… بیوی جی قاضی صاحب ان کے زیادہ دعوے سننا پسندنہیں کرتے۔ مگر ایک آپ کی خاطر اور سنائے دیتاہوں۔ مرزا قادیانی (آئینہ کمالات ص۳۴۸، خزائن ج۵ص۳۴۸)پرلکھتے ہیں:’’مجھے قطعی طور پر بشارت دی گئی ہے کہ میں مخالف پر غالب آؤں گا۔ کیا اس میں کچھ جھوٹ ہے؟
قاضی صاحب… بس مولوی صاحب بس! مجھے خوف ہے۔گاموںہنستے ہنستے پاگل نہ ہو جائے۔اس کے بعد بابوصاحب اور نووارد مسجد کی طرف روانہ ہوگئے۔ مسجد میں داخل ہو کر…
بابوصاحب… (بوٹ کے تسمے کھولتے ہوئے)الحمد ﷲ۔آج اٹھارہ سال بعد اس مسجد کا منہ دیکھا۔عمر بالاخانوں میں ٹکریں مارتے گزر گئی۔ نماز کے بعد جو بابوصاحب اور نووارد گھر کی طرف روانہ ہوئے تو جو مسلمان بابوصاحب کا واقف ملتاہے۔ مبارکباد دیتا ہے۔ایسا معلوم ہوا کہ ادہر تو بابوصاحب اورنووارد نماز کے لئے نکلے۔ ادھر گاموں نے بابوصاحب کی مرزائیت سے توبہ کی خبربجلی کی طرح شہر میں پھرادی۔ واپس مکان پہنچ کر۔