ہیں۔ رسالہ کا نام اس خوبصورتی سے تجویز کیا کہ کمال کردی۔ ’’صدع النقاب‘‘ ابجد کے حساب سے ۱۳۴۳ھ بنتے ہیں۔ جو کتاب کی اشاعت کا سن ہجری ہے اور ’’جساسۃ الفنجاب‘‘ سے ابجد کے حساب سے ۱۹۲۵ء بنتے ہیں۔ جو کتاب کی اشاعت کا سن عیسوی ہے۔ حضرت مولانا سیدمحمدانور شاہ کشمیریؒ نے اپنی تالیف ’’اکفارالملحدین فی شئی من ضروریات الدین‘‘ میں ایک قصیدہ بزبان عربی قطعہ انجازیہ نظم فرمایا تھا۔ حضرت مولانا سیدمحمدادریس سیکروڈھوی جو حضرت مولانا سید محمدانور شاہ کشمیریؒ کے شاگرد تھے۔ آپ نے اس قصیدہ کو بمع ترجمہ وتشریح کے اس رسالہ میں شائع فرمایا۔ خوب علمی تحفہ ہے۔ کاش ہمارے رفقاء اس عربی قصیدہ کو یاد کریں۔
۵… اسلام اور مرزائیت:
یہ مضمون حضرت مولانا عتیق الرحمن آرویؒ کا مرتب کردہ ہے۔ جو دارالعلوم دیوبند کے مبلغ تھے۔ آپ کا یہ مضمون رسالہ ’’قاسم العلوم‘‘ دیوبند میں قسط وار ۸قسطوں میں شائع ہوا۔ جو بعد میں پمفلٹ کی شکل میں شائع کیا گیا۔ اس جلد میں پیش خدمت ہے۔
۶… فتنہ قادیانیت:
جناب صفوۃ الرحمن صابر حیدر آباد انڈیا آندھرا پردیش کے تھے۔ آپ نے یہ رسالہ ترتیب دیا۔ جو اس جلد میں پیش خدمت ہے۔
۷… قادیانی مسلمان نہیں؟:
اس کے مؤلف جناب محمدعبدالرحیم قریشی ہیں جو کل ہند مجلس تعمیرملت کے سیکرٹری جنرل اور آل انڈیا مسلم لاء بورڈ کے سیکرٹری ہیں۔ آپ نے یہ رسالہ اکتوبر ۱۹۹۰ء میں شائع کیا۔ تبلیغ اسلام سوسائٹی مدینہ منش حیدرآباد سے یہ شائع ہوا۔ قادیانیوں نے حیدر آباد انڈیا میں پرنکالے۔ مولف نے یہ رسالہ تالیف کرکے شائع کیا۔ قادیانیت بے پروبال ہوگئی۔
۸… آسمانی کڑک:
اس کے مؤلف حضرت مولانا ابوالبیان محمددائود پسروری ہیں۔ جو حضرت مولانا نوراحمدچوک فرید امرتسر کے صاحبزادہ تھے۔ آپ نے مرزا قادیانی کی تردید میں یہ عمدہ کتاب تالیف کی جو ہر لحاظ سے قابل قدر ہے۔
۹… کارزارقادیان:
یکم؍اپریل ۱۹۳۶ء میں یہ رسالہ اوّلاً شائع ہوا۔ حضرت مولانا مفتی محبوب سبحانی واعظ
