تجلیات جذب |
ہم نوٹ : |
 |
میرے گھر کے بچے بچے کو جذب فرمالے۔ اس کے بعد آپ حضرات اور جو خواتین آئی ہوئی ہیں ہم سب کو اﷲ جذب کرلے اور ہمارے گھر والوں کو بھی اﷲ جذب عطا فرما۔ سارے عالم کو جذب عطاکردے۔تیری مہربانی کا دریا غیرمحدود ہے اور ہم میں سے جس کو جو روحانی بیماری ہو اس کو شفا عطا فرمادے ۔ پہلے میں روحانی بیماری کی صحت کے لیے دعا کرتا ہوں کیوں کہ جسمانی بیماری روحانی بیماری سے بہت ہی کم تر ہے۔ کیوں کہ جسمانی بیماری کا مریض تو خُدا کی رحمت کے سائے میں ہے اور یہ جو روحانی بیماری میں مبتلا ہے وہ خُدا کے غضب اور قہر کے سائے میں ہے۔ خدائے تعالیٰ! ہم میں جس کو جس گناہ کا کینسر ہو، بد نظری، لڑکوں سے عشق بازی، لڑکیوں سے، ٹیڈیوں سے، تاک جھانک کرنا،جھوٹ بولنا، ٹیلی ویژن کے پروگرام دیکھنا، وی سی آر ننگی فلمیں ویڈیو تمام جتنے بھی یا اﷲ آپ کے غضب اور قہر کے اعمال ہیں ہم سب کو ہمارے گھر والوں کو اس سے بچنے کی توفیق عطا فرما۔ خواتین کو برقعہ پہننے کی توفیق عطا فرما۔اے اﷲ!جنہوں نے داڑھی نہیں رکھی ہے ان کو داڑھی رکھنے کی توفیق عطا فرما۔ جن کی مونچھیں بڑی بڑی ہیں ان کو مونچھیں کٹا دینے کی توفیق عطا فرما۔ جن کے پاجامے ٹخنوں سے نیچے لٹکے ہوئے ہیں اے خُدا !ان کوٹخنہ کھول دینے کی توفیق عطا فرما اور یہ احکام سرورِ عالم صلی اﷲ علیہ وسلم کے ہیں ۔ یا اﷲ! ہم سب کو توفیق دے کہ ہم اپنے پیارے نبی صلی اﷲ علیہ وسلم کا جی خوش کریں اور اپنی حرام خوشیوں سے توبہ کرلیں۔ اﷲتعالیٰ ہم سب کو جذب فرمالے، جسمانی روحانی دونوں بیماریوں کو شفا دے ۔ اﷲ تعالیٰ مجھ کوبھی شوگر کی بیماری سے نجات عطا فرمائے۔ اے اﷲ! ہم سب کی جانوں میں وہ دردِ دل جو آپ اپنے اولیاء کے سینوں کو عطا فرماتے ہیں اختر کو، میرے سب دوستوں کو عطا فرما۔ میرے بچوں کو بھی اور ہم سب کو نسبت اولیائے صدیقین عطا فرما، اولیائے صدیقین کی جو آخری سرحد ہے اے اﷲ! ہم سب کو وہاں تک پہنچادے ۔ ہمارے ظاہر و باطن کو اپنی مرضی کے مطابق بنا دے اور اپنی مرضی پر استقامت عطا فرمادے ۔ ایک دُعا بہت اہم کیا کیجیے،اے خدا !ہم سب کو سلامتیٔ اعضا اور سلامتیٔ ایمان کے ساتھ زندگی عطا فرما اور سلامتیٔ اعضا اور سلامتیٔ ایمان کےساتھ دُنیا سے اٹھا اور دونوں جہاں میں ہم سب کو راحت اور عافیت عطا فرما۔ چھوٹی سے چھوٹی بلا اور چھوٹے سے چھوٹے غم سے بھی بچا۔ یا اﷲ! ہم سب کو عافیت