تجلیات جذب |
ہم نوٹ : |
|
نعمت دیتے ہیں تاکہ نعمت کی قدر معلوم ہو۔لہٰذا واپس گیا۔کھدائی کی اور ساری دولت مل گئی لیکن مشقت کے بعد ملی۔جب دنیا مشقت کےبعدملتی ہےتو اﷲ تعالیٰ کیسے بلا مشقت مل جائیں گے۔دُنیا کےلیے تو بڑے خوش خوش ایک ہزار میل دوڑے گئے لیکن افسوس یہ ہے کہ آج اﷲ کو حاصل کرنے کی آرزو رکھنے والےاوراﷲتعالیٰ کی محبت میں زندگی وقف کرنے والے،خانقاہوں میں رات دن رہنے والے،اﷲتعالیٰ کی تلاش اورجستجو میں بےحد بے چین اور مضطرب لیکن نظر بچانے کی مشقت نہیں کریں گے کیوں کہ اس میں تکلیف ہوتی ہے۔تکلیف اُٹھانے کے لیے تیار نہیں۔سوچ لیجیے اس کو۔ذرا اپنی محبت کے دعوے کی حقیقت سوچ لیجیے۔ نظر بازی آنکھوں کا زنا ہے اﷲ تعالیٰ نے بد نظری کو حرام فرمایا کیوں کہ اس نظر بازی سے ملنا ملاناکچھ نہیں۔ نہ لینا نہ دینا مفت میں جان کوجلانا۔نامحرموں کوشہوت سےدیکھنایہ نظرحرام ہے۔بخاری شریف کی روایت ہے: زِنَی الْعَیْنِ النَّظَرُ 6؎جو شخص کسی کی بہو،بیٹی کو،کسی لڑکی کو دیکھتا ہے سڑکوں پر،اسکولوں میں،ایئرپورٹوں پر، ریلوے اسٹیشنوں پر کہیں بھی دیکھتا ہےیہ نظر حرام ہے،آنکھوں کا زنا ہے۔اسی طرح جو لڑکوں کو دیکھتا ہےیہ بھی حرام کا مرتکب ہے۔حسینوں کے جس نمک کو اﷲ نے حرام فرمایا، ایسے نمکینوں کےحسن کے نمک کو چکھنے والا بتائیے کیسا ہوگا؟ نمک حلال ہے یا نمک حرام آپ خود ہی فتویٰ دیجیے۔ میں کچھ نہیں کہوں گا۔ بس اﷲ تعالیٰ نے جس فعل کو حرام فرمایا ہے اس کے قریب بھی نہ جائیے۔ گناہ کی خاصیت اختر واﷲ کہتا ہے کہ جتنے نظر باز ، عشق باز، اور جتنی بازیاں ہیں کرنے والوں کو آج _____________________________________________ 6؎صحیح البخاری: 923،922/2 (6275)، باب زناالجوارح دون الفرج، المکتبۃ المظہریۃ