دوسری مثال عُصِیَّة ۔ یہ اس صورت کی مثال ہے جہاں یاء کے بعد الف منقلبہ آئے عُصِیَّة تصغیر ہے عصا کی جس کی اصل عصو ہے قال کے قانون کے تحت عصا ہوگیا پھر جب عصا کی تصغیر لائے تو تیسری جگہ پر یاء تصغیر لائے ،التقائے ساکنین کے ڈر سے الف منقلبہ کو واپس واؤ کی طر ف رد کردیا پھر قویل والے قانون سے ادغام کر دیا تو عُصیَّة ہو گیا۔
تیسر مثال ۔ رُسَیْلَة ۔ یہ اس صورت کی مثال ہے جہاں یاء تصغیر کے بعد الف زائدہ آجائے رُسَیلة رسالة کی تصغیر ہے ، رسالة میں جب تیسری جگہ یاء تصغیر لائے تو التقاء ساکنین کے سبب الف کو یاء سے بدل دیا پھر ادغام کر دیا رُسَیلة ہو گیا ۔
سوال ۔ أسود کی تصغیر أُسَیِّد اور جَدوَل کی جُدَیِّل آنی چاہیے کیونکہ یاء تصغیر کے بعد واؤ واقع ہے لیکن پھر بھی ان کی تصغیر أُسیود اور جُدیول لائی جاتی ہے ؟۔
جواب ۔ ان کی تصحیح قلیل ہے ۔
متن
فَإِن اتّفق اجْتِمَاع ثَلَاث ياءات حذفت الْأَخِيرَة نسياً على الْأَفْصَح كَقَوْلِك فِي عَطاء وإدَاوة وغاوية وَمُعَاوِيَة عُطَيٌّ وأُدَيَّة وغُوَيَّة ومُعَيَّة وَقِيَاس أحوى أُحَيٌّ غير منصرف وَعِيسَى يصرفهُ وَقَالَ أَبُو عَمْرو أَحَي وعَلى قِيَاس أُسيوِد أُحيوٍ۔
شرح
مسئلہ نمبر٧:
یہ دوسرے اور پانچویں اصول سے ہے جہاں تصغیر کیوجہ سے سبب قلب زائل ہوجائے اور سبب حذف عارض ہوجائے ۔
