٥۔معتل بالفاء واللام : اس کو لفیف مفروق کہتے ہیں جیسے ولی ،وقی ۔
فائدہ :
رباعی الاسم نہ معتل ہوتا ہے نہ مضاعف نہ مہموز الفاء اور خماسی مضاعف نہیں ہوتا۔
فائدہ :
معتل اللام کا نام صرف میں ناقص رکھا جاتا ہے کیونکہ جزم اور وقف میں آخری حرف میں نقصان آجاتا ہے اور نحو میں اس کو ناقص اس لیے کہتے ہیں کہ اعراب میں نقصان آجاتا ہے ۔
متن:
وللاسم الثلاثي الْمُجَرّد عشرَةُ أبنيةٍ وَالْقِسْمَةُ تَقْتَضِي اثْنَي عشرَ سقط مِنْهَا فُعِلٌ وَفِعُل استثقالاً وَجعل الدُئِل مَنْقُولًا والحِبُك إِن ثَبت فعلى تدَاخُل اللُّغَتَين فِي حرفَيِ الْكَلِمَة وَهِي فلْسٌ وَفرَس وكتِف وعضُدٌ وَحِبْرٌ وعِنَبٌ وإبِلٌ وقُفلٌ وصُرَد وعُنق۔
اسم ثلاثی مجر دکی ابنیہ
شروع کتاب میں یہ بات ذکر ہوئی تھی کہ اصولی ابنیہ تین ہیں ۔ثلاثی ،رباعی اور خماسی اب ہر اصل کی کل ابنیہ کو ذکر فررہے ہیں کہ کتنی ہیں ۔ابن حاجب کہتے ہیں کہ اسم ثلاثی مجرد کی کل دس ابنیہ ہیں رباعی مجرد کی پانچ اور خماسی مجرد کی کل چارہیں ۔رہی سب کی مزید کی ابنیہ تو وہ کثیر ہیں جو اس مختصر کتاب کے لائق نہیں ۔
