یہ دوسری تفریع ہے۔ أسماء اصوات جن کا پہلا حر ف مضموم ہو نیز وہ معتل اللام ہوں وہ بھی اسم ممدود ہیں جیسے غُواء اور ثغاء (جو بالترتیب بھیڑیے اور بکری وغیرہ کی آواز کے لیے آتے ہیں )یہ اسم ممدود ہیں کیونکہ ان کی نظائر صحیح میں نُباح اور صراح ہیں اور ان کا ماقبل آخر الف ہے ۔
قولہ :ومفرد أفعلة نحو کیساء وقباء ۔
ش: اسم متعل اللام جس کی جمع أفعلة وزن پر ہو اس کامفرد بھی اسم ممدود ہے جیسے کیساء اور قباء جن کی جمع أکسیة اور أقبیة آتی ہے یہ اسم ممدود ہیں کیونکہ صحیح میں انکی نظیر حمار اور قذال آتی ہے جن کا ماقبل آخر الف ہے ۔
قولہ:وأندیة شاذ۔
ش: أندیة أفعلة وزن پر ہے چنانچہ اس کا مفرد اسم ممدود ہونا چاہیے تھا مگر اس کا مفرد ندی آتا ہے یعنی اسم مقصور یہ شاذ ہے ۔
قولہ :والسماعی نحو العصا ۔
ش: اسم مقصور اور اسم ممدود کی دوسری قسم سماعی ہے سماعی سے مراد مما لیس لہ نظیر یحمل علیہ ہے یعنی اس کی کوئی نظیر نہیں جس پر حمل کیا جائے اسم مقصور سماعی کی مثال جیسے العصا ،الرحا اور اسم ممدود سماعی کی مثال جیسے الخفاء اور الأباء ۔۔
ختم شد
4/24/2017
