براھین قاطعہ |
ہم نوٹ : |
|
گزرنے والا پانی گندھک کی خاصیت اور کیفیت کو اپنے اندر لے لیتا ہے اور پودوں کی نشوونما میں اس کیفیت کو شامل کردیتا ہے۔ اسی طرح ماں باپ جن مختلف جانوروں کا گوشت کھاتے ہیں یا جن جانوروں کا دودھ نوش کرتے ہیں یہ حیوانات نہ جانے کتنے اقسام کی غذائیں چرتے رہتے ہیں اور ان کے اجسام میں نہ جانے کتنی انواع و اقسام کے پھل پھول پہنچتے رہتے ہیں اسی طرح مچھلیوں کی کس قدر اقسام ہیں اور ہر قسم کی مچھلیوں کی علیحدہ علیحدہ غذائیں ہیں نیز ماں باپ علاجاً جو دوائیں استعمال کرتے ہیں وہ بھی مختلف ممالک سے آتی ہیں نیز بعض مرکب دواؤں میں سونے چاندی اور یاقوت و زمرد جیسے جواہرات بھی شامل رہتے ہیں اور بعض مرکبات میں فولاد کا جز شامل کیا جاتا ہے،بعض میں حجریات شامل کیے جاتے ہیں،بعض میں پارہ اور گندھک کا جز شامل کیا جاتا ہے،اسی طرح ماں باپ کبھی شہد بھی استعمال کرتے ہیں اور شہد کے ذریعے نہ جانے کہاں کہاں کے پھلوں اور پھولوں کے رس ماں باپ کے ابدان میں پہنچ جاتے ہیں۔ پھر ان ہی مختلف ممالک کی مختلف انواع و اقسام کی غذاؤں سے خون بنتا ہے اور خون سے نطفہ بنتا ہے۔ پس اس تفصیل سے یہ امر واضح ہوگیا کہ انسان اپنی پہلی پیدایش سے پہلے سارے عالم میں منتشر تھا یعنی جس نطفے سے انسان کو پیدا کیا جاتا ہے اس کے تمام ذرّات باعتبار اپنی کمیات اور کیفیات کے سارے عالم میں منتشر ہوتے ہیں۔بعض اجزا نمک اور گندھک کی کانوں میں ہوتے ہیں،بعض مختلف دریاؤں اور چشموں میں ہوتے ہیں، بعض عرب کی کھجوروں میں ہوتے ہیں،بعض آسٹریلیا کے گیہوں میں ہوتے ہیں،بعض کشمیر اور قندھار کے پھلوں میں ہوتے ہیں، بعض سمندر کی مچھلیوں میں ہوتے ہیں، بعض مختلف کلیوں اور پھولوں میں ہوتے ہیں، بعض سونے چاندی اور فولاد میں ہوتے ہیں،یہ تو ان ذرّاتِ منی کی کمیات کا عالمِ انتشار تھا۔ اسی طرح ان ذرّاتِ منی کی کیفیات بھی پہلے منتشر ہوتی ہیں بعض آفتاب اور ماہتاب کی حار اور بارد شعاعوں میں ہوتی ہیں۔ بعض شرقی و غربی شمالی و جنوبی ہواؤں میں ہوتی ہیں بعض مختلف الکیفیت ادویات اور اغذیہ میں ہوتی ہیں،بعض رات اور دن کے