براھین قاطعہ |
ہم نوٹ : |
 |
حضرت شیخ الہند رحمۃ اللہ علیہ کا ارشاد حضرت مولانا محمود الحسن صاحب دیوبندی رحمۃ اﷲ علیہ ارشاد فرماتے تھے کہ پان کا جو حصہ سڑ جاتا ہے اس کو کاٹ دیا جاتا ہے ورنہ وہ سڑا ہوا حصہ دوسرے صحیح حصےکو بھی خراب کر دیتا ہے۔ پس چور کی یہ سزا خود اس ملزم کے لیے بھی رحمت ہے اور دوسروں کے لیے بھی رحمت ہے۔ حضور صلی اللہ علیہ وسلّم نے ارشاد فرمایا کہ اپنے بھائی کی مدد کرو خواہ وہ ظالم ہو یا مظلوم۔ حضرات صحابہ رضوان اللہ تعالیٰ علیہم اجمعین نے عرض کیا کہ یا رسول اللہ (صلی اللہ علیہ وسلّم)!مظلوم کی مدد تو سمجھ میں آتی ہے لیکن ظالم کی مدد کس طرح کریں۔ ارشاد فرمایا کہ ظالم کی مدد کا مطلب یہ ہے کہ اس کو ظلم کرنے سے روک دیا جائے۔قانونِ طہارت اسی طرح قانونِ طہارت کا مقابلہ کر کے دیکھیے کہ ہمارے یہاں پاکی کا کس درجہ اہتمام کیا جاتا ہے۔ پانی سے پہلے پیشاب کے قطروں سے بچنے کے لیے کلوخ کا استعمال کیا گیا ہے پھر پا نی سے پاکی حاصل کرتے ہیں۔ طہارت کے مسائل و آداب اس قدر ہیں کہ ہر فقہ کی کتاب میں کتاب الصلوٰۃ سے پہلے کتاب الطہارت کی ایک کتاب ہوتی ہے۔ اور انسانوں کے بنائے ہوئے مروجہ پاکی کے طریقوں کو غور سے دیکھیے،کسی کے یہاں کاغذ سے پاخانہ صاف کر کے ٹب میں غسل کے لیے بیٹھ جاتے ہیں، پہلے تو نجاست صرف اپنی جگہ پر تھی لیکن اب وہ پانی کے ا ندر گھل کر آنکھ، ناک، کان، منہ میں بھی داخل ہوگئی۔ کسی کے یہاں ایک گلاس پانی یا ایک چھوٹی سی لٹیا بھی کافی ہو جاتی ہے جس سے پاخانہ اور بھی ادھر اُدھر پھیل جاتا ہے۔ اسی طرح پیشاب کے وقت ایک خاص قسم کا دھاگہ کان میں لپیٹ لیتے ہیں۔ اور پیشاب کی جگہ کو پانی سے نہیں دھوتے۔ یہ عجیب معمّہ ہے کہ نجاست خارج ہو جسم کے کسی حصے سے اور اس کی صفائی کان میں دھاگہ لپیٹ لینے سے ہو۔ یہاں پر ایک دیہاتی