سے سلام نہ کرسکے تو بیٹھے ہوئے اورپیدل چلنے والے کے لئے افضل ہے کہ سوار کو سلام کرے۔
۱۱۔ آپ ﷺ نے بعض اعمال پر لوگوں کو ثواب ملتے ہوئے اور بعض کو سزا ملتے ہوئے دیکھا۔ اس سے معلوم ہوتا ہے کہ ان اچھے اعمال کو اختیارکرنا چاہیے اوران برے اعمال سے بچنا چاہئے ۔
۱۲۔ آپ ﷺ نے بیت المقدس میںداخل ہو کر نماز پڑھی اس سے تحیۃ المسجد کا مسنون ہونا ثابت ہوا۔
۱۳۔ آپ ﷺ بیت المقدس میں امام بنائے گئے۔ اس سے ثابت ہوا کہ قوم میں بہتر آدمی کی امامت افضل ہے۔
۱۴۔ تمام انبیاء علیہم السلام نے بیت المقدس میں اپنے فضائل کاخطبہ پڑھا۔ اس سے ثابت ہوا کہ حق تعالیٰ کی نعمتوں کوشکراداکرنے اور نعمت بیان کرنے کیلئے ذکر کرے توپسندیدہ ہے۔
۱۵۔ آپ ﷺ کو پیاس لگی تو کئی قسم کے مشروبات آپ ﷺ کے سامنے حاضر کئے گئے۔ اس سے ثابت ہوا کہ مہمان کے لئے کھانے پینے میں وسعت کرنا جائز ہے ۔
۱۶۔ اگر ان مشروبات کے پیش کرنے کا مقصد امتحان تھا تو اس سے یہ بھی ثابت ہوا کہ دین میں امتحان لینا جائز ہے ۔
