براھین قاطعہ |
ہم نوٹ : |
|
صدر مدرّسی کے لیے منتخب فرمایا تھا اور ایک مرتبہ حضرت پھولپوری سے ارشاد فرمایا کہ آپ حاملِ علومِ نبوّت بھی ہیں اور حاملِ علومِ ولایت بھی۔ ہمارے حضرت والا حضرت پھولپوری رحمۃ اﷲ علیہ کے مشکل و دقیق مضامین کو ضبط کر لیا کرتے تھے، خود حضرت پھولپوری رحمۃ اللہ علیہ نے فرمایا کہ’’ حکیم اختر ہمارے علومِ غامضہ کو خوب سمجھ لیتے ہیں اور پھر اس کو باَحسنِ طریق قلم بند بھی کر لیتے ہیں۔ ایک مرتبہ حضرت مفتی شفیع صاحب رحمۃ اﷲ علیہ (مفتی اعظم پاکستان) نے حضرت پھولپوری سے فرمایا کہ حضرت! حکیم اختر کو حق تعالیٰ نے ماشاء اﷲ تحریرِ مضامین کا خوب سلیقہ عطا فرمایا ہے۔ حضرت پھولپوری رحمۃ اﷲ علیہ جب پاکستان تشریف لے آئے تو کراچی میں ہمارے حضرت والا دامت برکاتہم نے حضرت پھولپوری کے حکم سے اُن ۱۶؍سولہ سالہ مسودات اور مجموعۂ علوم ومعارف کو ترتیب دیا اور بالتبویب یہ کتابیں مرتّب فرمائیں ’’معیتِ الٰہیہ‘‘،’’معرفتِ الٰہیہ‘‘، ’’صراطِ مستقیم‘‘،’’ملفوظاتِ حضرت پھولپوری‘‘، ’’قرآنِ پاک سے شراب کے حرام ہونے کا ثبوت‘‘،’’براہینِ قاطعہ‘‘۔ براہینِ قاطعہ ان ترتیب شدہ علوم ومعارف میں سے ایک بہت ہی اہم اور نایاب کتا ب ہے جو حضرت پھولپوری کی معرکۃ الآراء تقریر ہے جس میں توحید وقیامت اور رسالت کے بارے میں عجیب و غریب، معقول ومنقول دلائل دیے گئے ہیں۔ یہ گراں قدر خزانہ علماء کے لیے خاص تحفہ ہے۔ تقریباً پچاس برس قبل یہ کتاب حضرت پھولپوری رحمۃ اﷲعلیہ کی حیات میں شایع ہوئی تھی اور اب اﷲ تعالیٰ کے فضل وکرم سے اس کتاب کے ساتھ رسالہ’’ صراطِ مستقیم‘‘ اور’’قرآنِ پاک سے شراب کے حرام ہونے کا ثبوت‘‘ ایک ہی جلد میں دوبارہ شایع ہو رہی ہے ۔ یکے از خُدّامِ حضرت والا دامت برکاتہم محمد مطہرمحمود عفا اﷲ عنہ