گوشت رکھا ہے اس پر بہت سے آدمی بیٹھے کھا رہے تھے۔ حضرت جبرئیل علیہ السلام نے کہا :یہ وہ لوگ ہیں جو حلال چھوڑ کر حرام کھاتے ہیں۔
اسی روایت میں یہ بھی ہے کہ آپ ﷺ کا گذر ایسی قوم پر ہوا جن کے پیٹ کو ٹھڑیوں جیسے تھے، جب ان میں سے کوئی ایک اٹھنے لگتا ہے فوراً گر پڑتا ہے۔ حضرت جبرئیل علیہ السلام نے آپ ﷺ سے کہا یہ سود خور ہیں۔
آپ ﷺ کا گذر ایسی قوم پر بھی ہوا جن کے ہونٹ اونٹ جیسے تھے۔ وہ لوگ چنگاریاں نگل رہے تھے ۔حضرت جبرئیل علیہ السلام نے کہا: یہ وہ لوگ ہیں جو یتیموں کا مال ظلماً کھاتے ہیں ۔ آپ ﷺ کا گذر ایسی عورتوں پر ہوا جو پستانوں سے بندھی لٹک رہی تھیں، وہ زنا کرنے والیاں تھیں۔
آپ ﷺ کا گذر ایسی قوم پر بھی ہوا جن کے پہلو کا گوشت کا ٹ کر ان ہی کو کھلا یا جاتا تھا ۔ وہ لوگ چغل خور اور عیب جو تھے ،
فائدہ: عالم برزخ جگہ کے اعتبار سے کہیں بھی ہو مگر اس کے نظر آنے کے لئے یہ شرط نہیں کہ دیکھنے والا بھی اس جگہ ہو، اور دوسرا احتمال یہ بھی ہے کہ ان صورتوں کے احوال نظر آئے ہوں جو آدم علیہ السلام کے بائیں طرف تھیں جن کا ذکر دسویں واقعہ میں آئے گا اور دیکھی گئی چیزوں کے بارے میں وضاحت نہیں کہ آسمان پر جانے سے پہلے دیکھی گئیں یا بعد میں دیکھی گئیں ۔
