حوالے ملیں گے کہ کسی ایک سن کو متعین کرنا نہایت مشکل ہوجاتاہے۔ نصف سے زائد صدی ہوچکی ہے کہ مرزا قادیانی کی تاریخ بعثت کا آپ سے فیصلہ نہ ہوسکا۔
مغالطہ نمبر۹
مولوی خالد محمود صاحب نے اپنے مضمون میں حضرت اقدس کی ایک عبارت سے آپ کی عمر۶۶ برس ثابت کرنے کے لئے مغالطہ دینے کی کوشش کی ہے۔ حضرت اقدس کی کتاب تریاق القلوب ضمیمہ نمبر۲نمبر۶۸ طبع اول سے ذیل کی عبارت پیش کرتے ہیں: ’’جب میری عمر چالیس برس تک پہنچی تو خداتعالیٰ نے مجھے الہام وکلام سے مشرف کیا اور یہ عجیب اتفاق ہے کہ میری عمر کے ۴۰ برس پورے ہونے پر صدی کاسربھی آپہنچا۔ تب خدا تعالیٰ نے میرے پر ظاہر کیا کہ تو اس صدی کا مجدداورصلیبی فتنوں کا چارہ گر ہے۔‘‘
خالد محمود صاحب نے اس عبارت کے الفاظ صدی کے سر سے ۱۳۰۰ ھ معین طور پر مراد لے کر آپ کی عمر ۴۰+۲۶=۶۶ سال بتائی ہے۔ حالانکہ حضور کے نزدیک صدی کے سر سے مراد ٹھیک ۱۳۰۰ ھ نہیں بلکہ تیرھویں صدی کاآخری عشرہ ہے۔ جبکہ آپ۴۰ سال کے ہو چکے تھے۔ انہوں نے صدی کے سر سے مراد دانستہ ۱۳۰۰ھ لے کراس وقت آپ کی عمر چالیس سال فرض کر کے ۱۳۲۶ھ سال وفات تک آپ کی عمر۶۶ سال بتائی ہے۔ حساب میں سے دس برس گول کر گئے۔‘‘
جواب :صدی کاسر متعین کرنے کے لئے یا تو مرزا قادیانی کی وہ تحریریں آپ کی نظر سے نہیں گزریں اوریا آپ دیدہ دانستہ چشم پوشی کر رہے ہیں:’’تیرھویں صدی کے ختم ہونے پر‘‘ … ۱۳۰۱ھ شروع ہوگی یا ۱۲۹۰ھ؟چودھویں صدی کا شروع سال…۱۳۰۱ھ ہوتا ہے یا ۱۲۹۰ھ؟
’’غلام احمدقادیانی ۱۳۰۰ھ فکر کن ‘‘…فکرکن
۱۳۰۰ متعین کرنے کیلئے مرزاقادیانی کے فرمودات ملاحظہ فرمائیے
صدی کا سر
’’مسیح موعود نے بھی چودھویں صدی کے سر پر ظہورکیا۔‘‘
(نشان آسمانی ص۱۶،خزائن ج۴ ص۳۷۸)
