نسب سے تعلق رکھتے ہیں۔ سب سے پہلے انہوں نے مغل قوم سے تعلق رکھنے کا دعویٰ کیا۔پھر کچھ عرصے کے بعد انہوں نے بیان کیا کہ ان کا کچھ تعلق سادات یعنی آنحضورﷺ کی اولاد سے ہے اور آخر کار انہوں نے دعویٰ کیا کہ انہیں ازروئے الہام بتایاگیا ہے کہ وہ ایرانی الاصل تھے۔انہوں نے اس بات کا اقرار کیا کہ ایک نام نہاد کشف کے علاوہ ان کے پاس اور کوئی ثبوت نہیں کہ وہ واقعی ایرانی الاصل ہیں۔ (اربعین جلددوم ص۱۷،خزائن ج۱۷،ص۳۶۵حاشیہ)
جیسا کہ ہم پہلے بتاچکے ہیںسکھوں کے دور حکومت میں ان کے ساتھ تصادم میں مرزا کے پردادا کی بہت سی زمین ہاتھ سے نکل گئی تھی۔چنانچہ خاندانی لحاظ سے سکھوں سے اتنے بڑے چرکے کھانے کی وجہ سے انہیں سکھ قوم سے بیزاری ہوگئی اورچونکہ سکھوں کا خاتمہ کرنے والے انگریز تھے،لہٰذا ان کا خاندان انگریزوں کا حاشیہ بردار ہوگیا اوراس حاشیہ برداری میںاتنا آگے نکل گیا کہ ۱۸۵۷ء کی جنگ آزادی میں اپنے مسلمان بھائیوں کے خلاف انگریزوں کی مدد کی۔ مرزا غلام احمد اپنے والد کے انگریز پرستانہ کردار پرفخر کرتے ہوئے لکھتے ہیں:
’’میرے والدمرزا غلام مرتضیٰ صاحب دربار گورنری میںکرسی نشین بھی تھے اور سرکار انگریزی کے ایسے خیرخواہ اوردل کے بہادر تھے کہ مفسدہ ۱۸۵۷ء میں پچاس گھوڑے اپنی گرہ سے خرید کراورپچاس جنگجو بہم پہنچا کر اپنی حیثیت سے زیادہ اس گورنمنٹ عالیہ کو مدد دی تھی۔‘‘
(تحفہ قیصریہ ص۱۸،خزائن ج۱۲ص۲۷۰)
تاہم ان کے خاندان کی حالت پتلی ہوتی چلی گئی اورجس گورنمنٹ عالیہ کو ان کے باپ نے مسلمان بھائیوں کے خلاف مدد بہم پہنچائی تھی۔اس نے بھی ان کی کوئی قدر نہ کی۔ بلکہ ان کی زمینیں ضبط کرتے رہے۔چنانچہ صاحبزادہ بشیراحمد قادیانی لکھتے ہیں: ’’اس کے بعد انگریز آئے تو انہوں نے ہماری خاندانی جاگیر ضبط کر لی اور صرف سات سو روپیہ سالانہ کی ایک اعزازی پنشن نقدی کی صورت میں مقرر کر دی جو ہمارے داد ا صاحب کی وفات پرصرف ایک سوا سی رہ گئی اورپھرتایا صاحب کے بعد بالکل بند ہو گئی۔‘‘
(سیرت المہدی حصہ اول ص۴۱،روایت نمبر۴۸صاحبزادہ بشیراحمد)
مرزاقادیانی نے اپنی زندگی کی ابتدائی دہائیاں نہایت فقر وفاقہ اوربڑی خستہ حالی میں بسر کیں۔وہ خود کہتے ہیں کہ انہیں اتنی بھی توقع نہ تھی کہ وہ دس روپے مہینہ بھی کما سکیں۔ کیونکہ ان کے پاس سرمایہ تقریباً نہ ہونے کے برابرتھا۔لیکن جیسے ہی انہوں نے دعوے(مجدد، محدث اور نبوت کے)شروع کئے۔ان کے پاس نذرانوں وغیرہ کی ریل پیل شرو ع ہو گئی اور عمر کے آخری
