آواز جب انہیں بار بارآئی تو انہوں نے خدا سے استغفار کی اورآواز بند ہوگئی۔اس کے بعد ابلیس ان کے قریب آیا اورکہنے لگا۔مجھے بتائیے !آپ کو کیسے پتا چل گیا کہ یہ شیطانی آواز ہے؟انہوں نے فرمایاکہ ہمیں نے سوچا کہ یہ عجیب قسم کا انعام تو رسول اﷲﷺ کے حصہ میں بھی نہیں آیا اور میں کیا چیز ہوں۔ اس سے پتہ چل گیا کہ یہ شیطانی الہام ہے اورشیطانی آواز ہے۔مرزاقادیانی کو جب یہ انوکھا الہام ہوا تو انہوں نے سوچا نہیں کہ میرے کھڑے ہونے کی جگہ خدا کے کھڑے ہونے میں خدا کی بزرگی ہے یا میری بڑائی۔ہمارے جیسے گناہ گار تو خدا کے حق میں کھڑے ہونے اور بیٹھنے کے الفاظ کااستعمال بھی کفر کے برابرسمجھتے ہیں۔
دوسری عبارت میں وہ کہتے ہیں کہ ان کے ایک مرید پر مقدمہ چل رہا تھا اورخواب میں ایسا ہوا کہ خدانے اس کے مقدمہ کے کاغذات مکمل کرنے کے بعد میرے پاس بھیجے۔نامعلوم کس لئے۔پڑتال کے لئے یامنظوری کے لئے۔جب کاغذات میرے سامنے پیش کئے گئے تو میں نے وہ قید جو اس کے لئے خدا نے ثبت فرمائی تھی۔نصف کاٹ دی اورنصف بحال رکھی۔اسے کہتے ہیں کہ رضا بقضاء مرزاقادیانی۔ گویا خدا کی حکومت میں سپریم کورٹ کے جج تھے۔ایسا جج حکومت سے بڑھ کر اس کے قانون کو سمجھنے والا ہوتاہے۔گویا انہوں نے خدا کی حکومت کوانگریزی حکومت پر قیاس کیا۔ایک مسلمان کو اگر ایسا بے ہودہ قسم کاخواب آئے تو اس کے ایمان کاتقاضا ہے کہ اس پر توبہ واستغفار کرے۔کجا یہ کہ وہ کسی اورکے ہاں اس کاذکر کرے یا اس صریح کفریات وبغاوت کو خدا کاالہام کہنے لگے۔
تیسری عبارت میں وہ اپنے ایک الہام کا ذکر کرتے ہیں۔اس کا سیدھاسادہ مطلب تو یہ ہے کہ اﷲ نے ان سے فرمایا۔ اے احمد!تیرا نام تمام ہے اور میرا نام ناتمام نہیں۔قادیانی معنے اس کے یہ ہیں کہ چونکہ تو فانی ہے۔ اس لئے تیرا نام تمام ہونے کا محتاج ہے اور میرا نام تمام ہونے کامحتاج نہیں۔پہلی بات کے کفر ہونے پر توقادیانی بھی مسلمانوں سے متفق ہیں۔اس لئے انہوں نے اس الہام کے معنے بدلنے کی ضرورت سمجھی۔ہم پوچھتے ہیں ہیں کہ ان کے اپنے معنوں میں کفر کے بغیر اورکیاہے؟۔ یہ معنے ریت میں اپنا منہ چھپانے کے برابر ہی تو ہیں۔اگر بات یہی تھی کہ ان کا نام ان کے وجود کی طرح فانی وناتمام تھا توخدا نے یہ مرزاقادیانی کو اورانہوں نے لوگوں کو کس لئے بتایا۔یہ کون سی بات ہے ۔اس کے اندرمعلوماتی قسم کی۔اگر کوئی بات نہیں تو یہ نکما الہام ہے جو بہر حال شیطان ہی کی طرف سے ہوسکتا ہے۔اب شیطانی الہام کو خدا کاالہام کہنا کفر نہیں تو اور کیا ہے؟۔ دوسری طرف جب یہ ہوگیا کہ ان کا نام کامل ہونے کامحتاج ہے تو اس کے ساتھ یہ بتانے