ضُرِبَ إلا اَنا۔
منصوب متصل:وہ ضمیر منصوب ہے جو عاملِ ناصب سے ملی ہوئی ہو۔ یہ چودہ ہیں :
ضَرَبَہٗ، ضَرَبَھُما، ضَرَبَھُمْ، ضَرَبَھا، ضَرَبَھُما، ضَرَبَھُنَّ، ضَرَبَک، ضَرَبَکُما، ضَرَبَکُمْ، ضَرَبَکِ، ضَرَبَکُما، ضَرَبَکُنَّ، ضَرَبَنَيْ، ضَرَبَنَا۔
فائدہ: یہ ضمیریں اگر فعل کے بعد آئیں تو ترکیب میں مفعول بہ واقع ہوتی ہیں ، جیسے: ضَرَبَنِیْ۔ اور اگر اپنے اسم کو نصب دینے والے حروف کے اخیر میں آئیں تو ان حروف کا اسم بنتی ہیں ، جیسے: إنَّنِیْ۔
منصوب منفصل: وہ ضمیر منصوب ہے جو عاملِ ناصب سے ملی ہوئی نہ ہوں ۔ یہ چودہ ہیں :
إیّاہ، ایّاہُما، ایّاہُمْ، ایّاہا، ایّاہُما، ایّاہُنَّ، ایّاکَ، ایّاکُما، ایّاکُمْ، ایّاکِ، ایّاکُما، ایّاکُنَّ، ایّای، ایّانا۔
فائدہ: یہ ضمیریں ترکیب میں مفعول بہ بنتی ہیں ، اکثر فعل سے پہلے آتی ہیں ، جیسے: {اِیَّاکَ نَعْبُدُ}۔
مجرور متصل:وہ ضمیر مجرور ہے جو عاملِ جار سے ملی ہوئی ہو۔ یہ ضمیریں حرف جر کے بعد مجرور اور اسم کے بعد مضاف الیہ بنتی ہیں ۔یہ چودہ ہیں :
مجرور(بحرفِ جر): لَہٗ،لَھُما، لَھُمْ، لَہا، لَہُما، لَہُنَّ، لَکَ، لَکُما، لَکُمْ، لَکِ، لَکُما، لَکُنَّ، لِیْ، لَنَا۔