مفعول معہ:وہ اسم ہے جو واوبہ معنی مع کے بعد آئے، جیسے: جائَ قَاسِمٌ و الکِتابَ۔
حال:وہ اسم ہے جو بوقتِ صدورِ فعل فاعل کی یا بوقتِ وقوعِ فعل مفعول بہ کی یا دونوں کی حالت کو بیان کریں ، جیسے: جائَ سَلِیْمٌ راکِباً، قَرَأتُ الکتابَ مفتوحًا، لقیْتُ زَیْداً راکِبَیْنِ۔
تمیز:وہ اسمِ نکرہ ہے جو عدد، وزن، کیل، مِساحت، مِقیاس یا نسبت سے پوشیدگی دور کرے، جیسے: رأیْتُ أحَدَ عَشَرَ کَوْکَباً۔
مستثنیٰ : وہ اسم ہے جس کو ما قبل کے حکم سے حرف استثناء کے ذریعہ نکالا گیا ہو، جیسے: جاء ني القَوْمُ إلاّ زَیْداً۔
مجرورات
مجرورات دوہیں :
۱)مجرور بحرف جر۔۲) مجرور باضافت۔
مجرور بحرف جر:یعنی وہ اسم جس پر حرف جر داخل ہو، جیسے: مررتُ بِزَیْدٍ میں زَیْدٍ۔
مجرور باضافت: وہ اسم ہے جو اضافت کی وجہ سے مجرور ہو، جیسے: قَلَمُ مُحَمَّدٍ میں مُحَمَّدٍ۔
