اس کے حق میں شفا ہونا، مالی نقصان کا نعم البدل ملنا، روز بروز نعمت میں ترقی ہونا، مال بڑھنا ،قلب میں راحت واطمینان پیدا ہونا، آئندہ نسل میں یہ نفع پہنچنا، زندگی میں غیبی بشارتیں نصیب ہونا، مرتے وقت فرشتوں کا خوشخبری سنانا، حاجات میں مدد ملنا، ترددات کا رفع ہوجانا، حکومت باقی رہنا، اﷲ تعالیٰ کا غصّہ فرو ہو جانا، عمر بڑھنا، افلاس وفاقہ سے بچنا، تھوڑی چیز میں زیادہ برکت ہونا۔
اعمال وعبادات ۱؎
عمل(۱):وضو اچھی طرح کرو ، گو کسی وقت نفس کو ناگوار ہو۔
عمل(۲):ہر وقت وضو سے رہنے کی کوشش کرو۔
عمل(۳):تازہ وضو بہتر ہے اگرچہ پہلے سے وضو ہو۔
عمل(۴): مذی سے غسل واجب نہیں۔ پیشاب گاہ دھو کر وضو کرنا چاہئے۔
عمل(۵): وہم وشک سے وضو نہیں ٹوٹتا جب تک یقینا کوئی امر وضو توڑنے والا واقع نہ ہو۔
عمل(۶): اونگھنے سے وضو نہیں ٹوٹتا، یا نماز کی ہیئت پر سو رہنے سے۔
عمل(۷): پیشاب پائخانہ کے وقت قبلہ کیطرف منہ یا پشت مت کرو۔ داہنے ہاتھ سے استنجا مت کرو، تین کلوخ سے بلاضرورت کم مت لو، پلیدی اور ہڈی اور کوئلہ سے استنجا مت کرو۔
عمل(۸): پیشاب سے احتیاط نہ کرنے سے عذاب قبر ہوتا ہے۔
---------------
۱؎ زیادہ مقصود بیان کرنا آداب اعمال کا ہے اور احکام فقہیہ کتب فقہیہ سے حاصل کرنا چاہئے۔ مالابد منہ یا اس کا اردو ترجمہ کام کی کتاب ہے ۱۲ {۱} اسباغ الوضوء علی المکارہ۱۲ رواہ مسلم {۲} لایحافظ علی الوضوء الا مؤمن ۱۲ مالک {۳} من توضأ علی طہر کتب لہ عشر حسنات ۱۲ ترمذی {۴} عن علی قال کنت رجلا مذاء۔ الی قولہ۔ یغسل ذکرہ ویتوضأ ۱۲ بخاری ومسلم {۵} فلایخرجن من المسجد حتی یسمع صوتا او یجد ریحًا۱۲ {۶} ینتظرون العشاء حتی تخفق رؤسہم ثم یصلون ولایتوضؤون ۱۲ ابوداو‘د۔ ان الوضوء علی من نام مضطجعاً فانہ اذا اضطجع استرخت مفاصلہ۱۲ ترمذی {۷} عن سلمان قال نہانا یعنی رسول اﷲ صلی اﷲ علیہ وسلم ان نستقبل القبلۃ بغائط او بول او نستنجی باقل من ثلٰثۃ احجار وان نستنجی برجیع او بعظم۱۲ رواہ مسلم {۸} اما احدہما فکان لایستتر من البول۱۲ متفق علیہ {۹} الذی یتخلی فی الطریق او فی ظلہم۱۲ مسلم {۱۰} اذا دخل الخلاء نزع خاتمہ۱۲ ابوداو‘د