راحیل شیخ… وہ کون سی بات تھی جس کی وجہ سے اللہ تعالیٰ نے آپ کو قادیانیت سے متنفر کیا؟
سید منیر… میں قرآن اورحدیث پڑھتا تھا۔ مرزاغلام احمد قادیانی کی کئی کتابیں پڑھیں ۔ جو کہ حدیثوں سے نہیں ملتی تھیں۔ یعنی مرزاقادیانی کی زبان نہایت گندی تھی۔ اس کی عمر کا اکثر حصہ غلط کاموں میں گزرا ہے۔
راحیل شیخ… قادیانیت اوراسلام کے فرق کو سمجھنے میں آپ کی مدد کس نے کیـ؟
سیدمنیر… خداتعالیٰ ،اس کے رسولﷺ اورقرآن کریم نیز احادیث ۔لیکن سب سے بڑھ کر مرزا غلام احمد قادیانی کے اپنے جھوٹوں اورتضاد بیانی نے۔
راحیل شیخ… کیا آپ کو یہ قدم اٹھانے میں کسی عزیز، دوست، رشتہ دار کی طرف سے اخلاقی یا کسی بھی قسم کی مدد ملی؟اگر ملی تواس کی نوعیت کیا؟
سید منیر… نہیں !کسی نے کوئی مدد نہیں کی۔نہ کسی نے شخصی طور پر اورنہ ہی کسی مذہبی تنظیم کا اس میں کوئی دخل ہے۔
راحیل شیخ… آپ نے کس عالم کے ہاتھ پر قبول اسلام کااعلان کیا،یا آپ نے بغیر کسی عالم کے ، اخباروں یامیڈیا کے ذریعے اپنے ترک قادیانیت اورقبول اسلام کا اعلان کیا؟
سیدمنیر… عبدالجلیل زیتون یہ عربی ہیں اورملک شام کے رہنے والے ہیں۔
راحیل شیخ… جن عالم کے بابرکت ہاتھ پر آپ نے قبول اسلام کا اعلان کیا۔ ان کی مصروفیات اورمختصر حالات زندگی پر روشنی ڈالیں گے؟
سید منیر… امام مسجد ہیں اوراسلام کی تبلیغ کرتے ہیں۔ وہ آج کل جرمنی میں نہیں ۔رخصت پر گئے ہوئے ہیں۔
راحیل شیخ… آپ کو یا آپ کی کسی قریبی شخصیت کو اس سلسلے میں کوئی بشارت یا خوشخبری والا خواب آیاہوتواس کی کسی حد تک تفصیل؟
سید منیر… آج سے تقریباًچھ یاسات سال پہلے محرم الحرام کامہینہ تھا۔ میں رات دو بجے نماز تہجد پڑھ کر سویا توخواب میں دیکھتا ہوں کہ ایک جگہ پر بہت سے لوگ اکٹھے ہیں جیسے کسی کے انتظار میں ہیں۔ تو میں بھی وہاں چلاگیا تو ایک بزرگ بہت خوبصورت،سفید رنگ، سفید داڑھی وہاں کھڑے ہیںتومیں ان سے پوچھتا ہوں کہ آپ یہاں کیوں کھڑے ہیں تو وہ بزرگ کہنے لگے کہ آپ کومعلوم نہیں کہ یہاں سے پیارے آقا حضرت محمدﷺ گزرنے والے ہیں ۔ میں بھی وہاں کھڑاہوگیا تو کیا دیکھتا ہوں کہ قادیانی جماعت کا چوتھا خلیفہ مرزاطاہر چند آدمیوں کے ساتھ
