صراط مستقیم پر آنے کی توفیق بخشی ہے۔ ممکن ہے کہ آپ کے منہ سے نکلا ہوا کوئی فقرہ ،کوئی لفظ ،کسی اور اندھیرے میں پھنسے ہوئے نیک فطرت انسان کے لئے راستہ دکھانے والی روشنی بن جائے اوراس کی ہدایت آپ کے لئے اورآپ کی نسلوں کے لئے صدقہ جاریہ ہو۔آمین
دوسری وجہ یہ ہے کہ ہم چاہتے ہیں کہ جہاں تک ہوسکے آپ کے قبول اسلام کے حالات محفوظ ہوجائیں تاکہ آپ کی آئندہ نسلوں کے لئے فخر کاباعث ہو بلکہ دوسرے پڑھنے والوں کی دعائیں بھی آپ کو تاقیامت پہنچتی رہیں۔آمین
سید منیر… جی میں حاضر ہوں اورجہاں تک ممکن ہواآپ کے سوالوں کے صحیح جوابات دینے کی کوشش کروں گا۔
راحیل شیخ… آپ کا نام اورعمر اورتعلیم اورآپ کا ذریعہ معاش ،یعنی آپ نے کون ساہنر سیکھا ہے؟
سید منیر… میرانام سید منیر احمد ہے اورمیر عمر اس وقت تقریباً ۵۷سال ہے۔ میں پاکستان میں پاکستانی فوج اورپھر پاکستان پولیس میں ملازم رہا ہوں۔ اس کے بعد تقریباًتین سال چناب نگر (سابق ربوہ)میں تیسرے قادیانی خلیفہ مرزاناصر احمد کے بیٹے مرزا فرید احمد کی ایمبیسی سگریٹ کی ایجنسی چلاتا رہاہوں(منافقت کی بھی حد ہوتی ہے۔مرزاناصر نے ربوہ میں کھلے عام سگریٹ پینے پر پابندی لگائی ہوئی تھی۔(راحیل شیخ) یہاں جرمنی میں مختلف کام کئے ہیں۔
راحیل شیخ… آپ کاخاندانی پس منظر؟
سید منیر… ہم سید ہیں اورہمارے بزرگ بخارا سے تین چار سو سال قبل تبلیغ اسلام کے لئے ہندوستان تشریف لائے تھے اورپھر یہیں کے ہوگئے۔
شیخ راحیل… آپ کتنی پشت سے قادیانیت میں ہیں؟
سید منیر… میرے والد صاحب نے قادیانیت قبول کی تھی۔اس طر ح میں پیدائشی قادیانی تھا۔
راحیل شیخ… آپ کے ننھیال اورددھیال میں کوئی مشہور قادیانی شخصیات ہوں تو ان کا تعارفسید منیر… کوئی مشہور قادیانی نہیں تھا۔لیکن میرے والد مخلص قادیانی تھے۔
راحیل شیخ… کیا آپ قادیانی جماعت میں عہدیدار تھے ۔اگر تھے تو اس کی کچھ تفصیل؟
سیدمنیر… میں جرمنی کے شہر ’’آخن‘‘کی جماعت میں لوکل طور پر زعیم انصاراللہ، سیکرٹری امور عامہ رہا ہوں اور’’ریجن نارڈ رہائن‘‘ کی اصلاحی کمیٹی کاممبر تھا۔