مرزاقادیانی ہی دجال ہے٭… اورمرزاقادیانی ایک اورجگہ لکھتے ہیں:’’دجال کے لئے ضروری ہے کہ کسی نبی کا تابع ہوکر پھر سچ کے ساتھ باطل ملا دے ،اورچونکہ آئندہ کوئی نیا نبی نہیںآسکتا۔اس لئے پہلے نبی کے تابع جب دجل کاکام کریں گے تووہی دجال کہلائیں گے۔‘‘ (مجموعہ اشتہارات ج۲ ص۱۳۱)
اب جب ہم دیکھتے ہیں کہ مرزا قادیانی، دجال کے معنوں میں اپنی تشریحات کو ہر بار ایک نیارنگ دے رہے ہیں اورہر بار پہلے سے مختلف ومتضاد معنی کر رہے ہیں جس کو ہم بلاجھجک مرزاقادیانی کے بھی مطابق دجل قرار دے سکتے ہیں۔ اب جب ہم مرزاقادیانی کی زندگی کا جائزہ لیتے ہیں تومرزاقادیانی نے پہلے رسول مقبولﷺ کی پیروی کی اوراسلام کے تیرہ سو سال سے تسلیم شدہ عقائد کا پرچار کیا۔ اس کے بعد مجددیت کادعویٰ کرتے ہوئے ان تعلیمات میں اپنی باطل تاویلات کو ملانا شروع کر دیا۔حتیٰ کہ مجددیت سے چھلانگ لگا کر مسیح موعود بنے اورپھر مہدی کی احادیث کا انکار کرتے ہوئے مہدی کا دعویٰ کیا اورپھر جو احادیث مرزاقادیانی کے دعوئوں کو جھٹلاتی تھیں ان کو ردی کی ٹوکری میں پھینکنے کاعمل کرتے ہوئے نبوت کے مدعی ہوئے اورپھر اس سے آگے کے جہانوں کی تلاش میں سرگرداں ہوگئے۔ ان سب باتوںکو سامنے رکھتے ہوئے میں بلا جھجک کہہ سکتا ہوں کہ مرزاقادیانی نے دجال کی جو یہ تعریف کی ہے کہ: ’’نبی برحق کا تابع ہوکر پھر سچ میں باطل ملادے۔‘‘اس تعریف کے سب سے زیادہ حق دار اوراس پر بلاشبہ صحیح عمل کرنے والے مرزا قادیانی ہیں۔ وہ اوپر دیئے گئے حوالہ میں کسی نبی کے آنے کا انکار کیا اوران کے مخالف ومرید یہ اچھی طرح جانتے ہیں کہ مرزاقادیانی کا دعویٰ نبوت کا ہے۔اس لئے ہم ان کوبلاشبہ دجال معہود تو نہیں کہتے لیکن اس کا پیشرو یا اس کاچھوٹا بھائی کہہ سکتے ہیں۔
٭… مرزاقادیانی عیسائی مذہب پر تنقید کے دوران ایک جگہ دجال کی تعریف میں لکھتے ہیں: ’’اورجیساکہ لکھا ہے کہ دجال نبوت کادعویٰ کرے گااورنیزخدائی کا دعویٰ بھی اس سے ظہور میں آئے گا۔‘‘ (شہادۃ القرآن ص۲۰،خزائن ج۶ص۳۱۶) مرزاقادیانی نے جو دلائل اس کے بارہ میں دیئے ہیں۔ ان دلائل میں پادریوں کی جگہ مرزاقادیانی کا نام رکھ دیا جائے اوربائبل کی جگہ مرزا قادیانی کی تصنیفات رکھ دی جائیں تو وہ تمام دلائل مرزاقادیانی کو ہی دجال بناتے ہیں۔ علاوہ ازیں مرزاقادیانی نے نہ صرف دعویٰ نبوت کیا ۔بلکہ خدائی کا دعویٰ بھی کیا۔
مرزاقادیانی ایک لمبا عرصہ دعویٰ نبوت کاشدومد سے انکار کرتے رہے۔ مجدد کی حیثیت سے فرماتے ہیں:’’خداوعدہ کرچکا ہے کہ بعد آنحضرتﷺ کے کوئی رسول نہیں بھیجا
