تعالیٰ نے ان کو حج پر جانے سے روکا ہو؟(کیونکہ مرزاقادیانی نے حج نہیں کیا) یاکم از کم تاخیر کرنے کا ہی کہاہو؟ دوسری بات کہ مرزاقادیانی نے اپنے فیصلہ کی بنیاد پر حج الکرامہ کی اوپر دی گئی قرآنی تشریح بھی بیان کی ہے کہ کیا مرزا قادیانی حج الکرامہ میں لکھی ہوئی باقی باتوں کو بھی تسلیم کرتے ہیں؟ اوراب مرزا قادیانی کی یہ بات کہ آنحضرتﷺ ۱۳سال مکہ میں رہے اورایک دفعہ بھی حج نہیں کیا۔ اس کا ہوسکتا ہے کہ مرزاقادیانی یاان کی جماعت کے پاس کوئی حوالہ ہو۔لیکن اہم بات یہ فقیر درِ مصطفیﷺ مرزا قادیانی کے جس دجل کے فریب کی طرف توجہ دلانا چاہتا ہے۔ وہ یہ ہے کہ مرزا قادیانی نے یہ بیان نہیں کیا کہ اس وقت تک حج کے باقاعدہ احکامات ہی نازل نہیں ہوئے تھے اوریہ حکم مدینہ منورہ میں نازل ہوا۔
٭… اورمیری سمجھ کے مطابق خداتعالیٰ نے رسول پاکﷺ کے ذریعہ اسی لئے ایک بار فرض حج کے لئے فرمایا کہ تاقیامت امت پر زیادہ بوجھ نہ پڑے۔ صاحب ثروت کو تو نہیں فرق پڑتا۔ لیکن کم استطاعت والوں کو مبرا بھی کردیا۔ ورنہ اگر زیادہ کاحکم ہوتا تو زیادہ حج کرنا پڑتا۔ اسی طرح نمازوںکے باقاعدہ احکامات بھی مدینہ منورہ میں ہی نازل ہوئے تھے۔ اگر مرزا قادیانی کی دلیل تسلیم کرلی جائے تو پھر کل کو نمازوں کے لئے بھی یہی عذر پیش کردے گا کہ مکہ معظمہ میں نمازیں ادا نہیں کی جاتی رہیں کہ تبلیغ پہلے ہے اور نمازیں بعد میں ۔ اگر انسان اس طرح کی تاویلیں کرنی شروع کر دے تو کوئی بھی رکن نہیں بچتا توپھر تبلیغ کس بات کی اورکیاکروگے؟ لے دے کر تبلیغ ہی رہ جاتی ہے جو قادیانی قیادت اوران کے چیلے چانٹے کررہے ہیں۔ وہ بھی اپنی ہی جماعت کو! اوروہ ہے چندہ ،چندہ، چندہ۔ نماز کے ساتھ یاد آیا قادیانی نمازوں پر بظاہر بڑازور دیتے ہیں۔ لیکن اسی(۸۰) فیصد نمازوں میں ڈنڈی مارتے ہیں اورجب بھی کوئی جلسہ یا میٹنگ وغیرہ ہوتی ہے تو نمازیں جمع کرلیتے ہیں اورجمع بھی ظہر کیساتھ عصر کی،مغرب کے ساتھ عشاء کی کرتے ہیں۔
اس کے ساتھ ایک اورسوال یہ ہے کہ: ’’کس بنیاد پر مرزاقادیانی نے کہا ہے کہ آجکل حج پرجانے والوں کی نمازیں ساقط ہوتی ہیں؟۔‘‘ اورپہلے قادیان پھر ربوہ، اب لندن میں جوانہوں نے اپنے جلسہ میں شمولیت کوحج کانعم البدل قرار دیا ہے۔ وہاں پرجانے والوں کی نمازیں بھی ساقط ہوتی ہیں؟ اگر جواب ہاں میں ہے تو پھر جلسہ کا حکم بھی بند کرو اوراگر جواب نہ میں ہے تو جس طرح جلسہ پر جانے والوں کی نمازیں ساقط نہیں ہوتیں توحج پر جانے والوں کی بھی نہیں ہوسکتیں۔
٭… مرزاقادیانی اوران کی اولاد نے حج نہ کرنے کے جو بھی جواز پیش کئے وہ ہر عقلمند ایک