لکھتے ہیں: ’’آنحضرتﷺ اور آپ کے اصحاب … عیسائیوں کے ہاتھ کا پنیر کھا لیتے تھے۔ حالانکہ مشہور تھا کہ سور کی چربی اس میں پڑتی ہے۔‘‘ (مرزاقادیانی کا مکتوب، اخبار الفضل قادیان، نمبر۶۶، ج۱۱ ص۹، ۲۲؍فروری ۱۹۲۴ئ) کیا یہ رسول پاکﷺ کی توہین نہیں؟
دوسری جگہ لکھتے ہیں: ’’اور آپﷺ ایسے کنواں سے پانی پیتے تھے جس میں حیض کے لتے پڑتے تھے۔‘‘ (منقول ازاخبار، ’’افضل‘‘ قادیان، نمبر۶۶ ج۱۱، ص۹، ۲۲؍فروری ۱۹۲۴ئ) کیا یہ رسول پاکﷺ کی توہین نہیں؟
دیکھیں مرزا قادیانی کس صفائی کے ساتھ بالواسطہ طور پر خاتم الانبیاء بھی بن گئے ، لکھتے ہیں ’’مبارک ہو جس نے مجھے پہچانا، میں خدا کی سب راہوں میں سے آخری راہ ہوں اور میں اس کے سب نوروں میں آخری نور ہوں۔ بد قسمت ہے وہ جو مجھے چھوڑتا ہے۔ کیوں کہ میرے بغیر سب تاریکی ہے۔‘‘ (کشتی نوح ص۵۶، خزائن ج۱۹ ص۶۱)کیا اس تحریر کے بعد کوئی شبہ رہ جاتا ہے کہ مرزا قادیانی خاتم الانبیاء ہونے کے دعویدار نہیں؟ آخری آسمانی نور تو رسول پاکﷺ ہیں اور جب ان پر دین مکمل ہوگیا تو پھر ان کے بغیر سب تاریکی ہے نہ کہ مرزا قادیانی کے بغیر۔کیا یہ رسول پاک ﷺ کی توہین نہیں؟
٭… اور کہتا ہے: ’’اس (خدا) نے ہر نبی کو جام دیا ہے مگر وہی جام مجھے لبالب بھر کر دیا ہے۔‘‘ (نزول المسیح ص۹۹، خزائن ج۱۸ ص۴۷۷) کیا یہ رسول پاک ﷺ کی توہین نہیں؟
٭… ’’آسمان سے کئی تخت اترے پرتیرا تخت سب سے اوپر بچھایاگیا۔‘‘
(حقیقت الوحی ص۸۹،خزائن ج ۲۲ ص۹۲)
اب دیکھیں کہ مرزاقادیانی نے کسی ایک نبی کی بھی تخصیص نہیں کی اوراپنے آپ کو ’’سپر نبی‘‘کے طور پر پیش کررہے ہیں۔اب ذرا ان دونوں حوالوں کو غور سے دیکھئے کہ دوسرا حوالہ بھی میر ے پہلے حوالے سے اخذ کردہ مطلب کی تائید کرتا ہے یا نہیں کہ سب نبیوں کو نبیوں کے سردار محمدﷺ سمیت صرف جام دیا۔ لیکن مرزاقادیانی کے لئے اورصرف مرزاقادیانی کے لئے جام لبالب بھردیا۔ اگرکسی قاری کاخیال ہے کہ یہ دو حوالوں سے تشفی نہیں ہوتی کہ مرزاقادیانی اپنے آپ کو تمام نبیوں سے بڑھ کر سمجھتے ہیں۔ قادیانی حضرات کہیں گے کہ نہیں یہ غلط مطلب ہے۔ لیکن آئیے مزید چیک کرلیتے ہیں کہ مرزاقادیانی کے بیٹے بھی یہی تاثر دیتے ہیںجو میرا تاثر ہے یا کہ نہیں۔ مرزاقادیانی کے بیٹے بشیر الدین محمود احمد جوبزعم خود مصلح موعود بھی کہلاتے ہیں۔ لکھتے ہیںکہ:’’ اس(مرزا قادیانی) نے ہمارے لئے اخلاقیات اورضابطہ کا ذخیرہ چھوڑا ہے ۔ تمام ذی