اسی وقت صحابہؓ کو پہرہ ختم کرنے کا حکم دے دیا کہ اب اﷲ تعالیٰ کا وعدہ آگیا ہے۔ اب خود حفاظت کرے گا لیکن یہ صاحب جن کا دعویٰ ہے کہ وہ عین محمدﷺ ہیں۔ نعوذباﷲ! ان کا یہ حال ہے کہ ان کا خدا ان سے وعدے پر وعدے کررہا ہے بچانے کے، دشمن پر حملہ کرنے کے لیکن مرزاقادیانی ہیں کہ صرف خطرے کا تصور کرتے ہوئے بھی لوٹا پکڑے سارا دن ٹوائلٹ کے چکر لگارہے ہیں۔
اس کے باوجود اپنی کتاب میں کس تحدی سے بلکہ ڈھٹائی اور بے شرمی سے لوگوں کے سامنے یہ دعویٰ بھی کررہے ہیں: ’’اور ہم ایسے نہیں کہ کوئی موت ہمیں خدا کی راہ سے ہٹا دے اور اگرچہ خدا کی راہ میں مجروح ہو جائیں یا ذبح کئے جائیں۔‘‘ (ضمیمہ براہین احمدیہ پنجم، ص۱۵۳، خزائن ج۲۱، ص۳۲۱) کیا حج اﷲ کی راہ میں نہیں؟ کیا حج فرض نہیں؟ کیا حج مرزاقادیانی کے لئے بطور مسیح ومہدی ایک لازمی امر نہیں تھا؟ جس مسیح اور مہدی کو اپنے خدا کے وعدوں کے بعد اپنے ہی کہے ہوئے الفاظ کا پاس ہی نہیں کیا وہ اﷲ کا فرستادہ ہوسکتا ہے؟ مرزاقادیانی کے الفاظ مرزاقادیانی پر ہی پلٹاتا ہوں، ایک جگہ پر لکھتے ہیں: ’’کیا اس کے سوا کسی اور چیز کا نام ذلت ہے کہ جو کچھ اس نے کہا وہ پورا نہ ہوا۔‘‘ (ضمیمہ انجام آتھم، ص۲۷، خزائن ج۱۱، ص۳۱۱) اب یہ مرزاقادیانی کے خدا اور ان کا اپنا کہا پورا نہ ہوا، موقع ملا بھی، ہمیشہ موجود بھی رہا کہ اپنا کہا پورا کرکے دکھادیں لیکن بہانہ سازی کرکے ٹالنے کی کوشش کی۔ کیا ابھی مرزاقادیانی یا ان کی گدی چلانے والے ذلت محسوس نہیں کرسکے؟ مرزاقادیانی کے بیٹے مرزا بشیر احمد لکھتے ہیں کہ: ’’اور خدا کی طرف سے آپ کو ایک رعب عطا ہوا تھا جس کے سامنے دلیر سے دلیر دشمن بھی کانپنے لگ جاتا تھا۔‘‘ (سیرت المہدی، ج۱ ص۱۲۵، روایت نمبر۱۳۴، مصنفہ مرزا بشیر احمد ایم اے) لیکن مرزا قادیانی کی زندگی میں ایسی کوئی حقیقی مثال نظر نہیں آتی کہ حقیقی دشمن واقعی کانپنے لگ جاتے تھے۔ ہاں ایسی مثالیں بکثرت ملتی ہیں کہ مرزاقادیانی اپنے خیالوں سے ہی کانپنے لگ جاتے تھے۔
ایک شخص نے عرض کی کہ مخالف مولوی اعتراض کرتے ہیں کہ: ’’مرزاقادیانی حج کو کیوں نہیں جاتے؟‘‘ حضرت صاحب نے اس شخص کو مخاطب کرکے فرمایا، تمام مسلمان علماء اوّل ایک اقرارنامہ لکھ دیں کہ اگر ہم حج کر آویں تو وہ سب کے سب ہمارے ہاتھ پر توبہ کرکے ہماری جماعت میں داخل ہوجائیں گے اور ہمارے مرید ہو جائیں گے۔ اگر ایسا لکھ دیں اور اقرارحلفی کریں تو ہم حج کر آتے ہیں۔‘‘ (ملفوظات، ج۹ ص۳۲۵)
یہ شرائط مرزاقادیانی کہاں سے لائے؟ شریعت سے؟ کیا احادیث میں مہدی علیہ رضوان یا مسیح ابن مریم علیہ السلام کے لئے کوئی ایسی بات تحریر ہے؟ کیا کسی آئمہ؍مجدد؍ امام؍ نے
