۴… کیا آج تک قادیانیوں نے مرزا کے دعویٰ نبوت پر بھی ’’جشن نبوت‘‘ منایا ہے؟ اگر نہیں اور یقینا نہیں تو کیوں؟ سوال یہ ہے کہ نبوت اہم ہے یا خلافت؟ اگر نبوت اہم ہے تو ’’نبوت‘‘ کے بجائے خلافت پر خوشی کے جشن کا کیا معنی؟
۵… قادیانی عقیدہ کی روشنی میں... اگر آنحضرتﷺ کے بعد نبوت کے جاری رہنے کی ضرورت تھی تو مرزا غلام احمد قادیانی کی موت کے بعد نبوت کے اجراء کی ضرورت کیوں باقی نہیں رہی؟ اگر جواب اثبات میں ہے اور یقینا اثبات میں ہے، تو قادیانی امت اس محرومی پر ماتم کرنے کی بجائے جشن کیوں منانا چاہتی ہے؟
۶… اگر مرزا غلام احمد قادیانی کے بعد نبوت کا کام ان کے خلفاء سنبھال سکتے ہیں تو کیا آنحضرتﷺ کے بعد آپﷺ کا مشن آپﷺ کے خلفاء ؓاور امت نہیں سنبھال سکتی تھی؟ اگر جواب اثبات میں ہے اور یقینا اثبات میں ہے، تو اجرائے نبوت کی کیا ضرورت تھی؟
۷… آنحضرتﷺ پر نبوت و رسالت کے اختتام اور ختم نبوت پر قرآن کریم کی ایک سو سے زائد آیات اور دو سو سے زائد احادیث اور پوری امت کا اجماع ہے، سوال یہ ہے کہ قادیانیوں کے پاس اجرائے نبوت پر بھی کوئی ایک آدھ قرآنی آیت، حدیث یا نص موجود ہے؟ اگر نہیں اور یقینا نہیں تو اجرائے نبوت کا کیا معنی؟۸… آنحضرتﷺ نے ختم نبوت کے تناظر میں اجرائے خلافت کا اعلان کرتے ہوئے فرمایا تھا: ’’ وانہ لا نبی بعدی وسیکون خلفائ‘‘ (بخاری ج۱ ص۴۹۱) سوال یہ ہے کہ مرزا غلام احمد قادیانی نے بھی کہیں یہ اعلان کیا تھا کہ اب میرے بعد نبوت نہیں، خلافت ہوگی؟ اگر جواب اثبات میں ہے تو کہاں اور کس کتاب میں؟ اگر نہیں اور یقیناً نہیں تو جشن خلافت منانا مرزا کی تعلیمات کی مخالفت کے مترادف نہیں؟
۹… مرزا قادیانی کی موت اور اس کی خلافت کے سو سال ہونے پر ’’جشن ِ خلافت‘‘ منانے کا یہ معنی نہیں کہ مرزا قادیانی کے ماننے والوں کا آقائے دو عالم حضرت محمدﷺ سے کوئی تعلق نہیں اور ان کا آپﷺ کی نبوت پر ایمان کا دعویٰ محض دھوکا اور فریب ہے، اگر نہیں تو سو سالہ جشن خلافت کا کیا معنی؟ کیا آنحضرتﷺ کی رحلت و وفات کو سو سال ہوئے ہیں؟ اگر جواب نفی میں ہے اور یقینا نفی میں ہے تو کیا اس کا یہ معنی نہیں کہ مرزا غلام احمد قادیانی کی ذریت نبی امیﷺ سے اپنا رشتہ ایمان توڑنے، مرزا غلام احمد قادیانی اور اس کے خلفاء سے جوڑنے پر جشن منارہی ہے؟
