٭… اشتہاررسالہ ماہواری قرآنی طاقتوں کی جلوہ گاہ جو جون ۱۸۸۷ء کی بیسویں تاریخ سے ماہ بماہ نکلا کرے گا۔
’’جب تک میں نے آریہ صاحبوں کا وہ رسالہ نہیںدیکھا تھا جس کا نام ہے۔‘‘ سرمہ چشم آریہ کی حقیقت اورفن اورفریب غلام احمد کی کیفیت ،’’تب تک مجھے اس طرف ذرہ بھی توجہ نہ تھی کہ میں کوئی ماہواری رسالہ قرآنی علوم اورصداقتوں کا اس غرض سے نکالوں تاکہ اگر کوئی آریہ ویدوں کی حقیقت سمجھتا ہوتو قرآنی صداقتوں سے اس کا مقابلہ کرکے دکھاوے۔مگر سبحان اللہ کیا حکمت وقدرت الٰہی ہے کہ اس نے بعض بداندیشوں کو اس خیر محض کا سبب بنادیا تاکہ دنیا کو قرآنی شعاعوں سے منورکرے اورشپرطینتوں پر ان کی کورباطنی ظاہر کرے ۔سو جس رسالہ کانام میں نے عنوان میں لکھ دیا ہے یعنی قرآنی طاقتوں کا جلوہ گاہ یہ وہی مومنین کاصادق دوست ہے جس کے قدوم میمنت لزوم کااصل موجب دشمن ہی ہوئے ورنہ خدائے کریم علیم ہے کہ اس سے پہلے میں جانتا بھی نہیں تھا کہ ایسے ماہواری رسالہ کے نکالنے کی خدمت بھی مجھ سے ظہور میں آئے گی۔ اب تفصیل اس اجمال کی یہ ہے کہ جب ارادہ الٰہی اس بات کی طرف متعلق ہوا کہ کوئی ایسا رسالہ ماہواری نکالا جائے کہ جو قرآنی طاقتوں اورصداقتوں کو ہر مہینہ میں دکھلا کر ویدوں سے بھی ایسے ہی علوم ومعارف کامطالبہ کرے اوراس طور سے ویدوں کی ذاتی لیاقت کی کیفیت ہر ایک پر بخوبی کھول دے اورقرآن شریف کی عظمت اوروقعت ہر ایک منصف پر ظاہر کرے تواس حکیم مطلق نے یہ تقریب قائم کی کہ بعض آریہ صاحبوں نے ایک اشتہار بصورت رسالہ بماہ فروری ۱۸۸۷ء چشمہ نورامرتسر میں چھپوایا اوراس میں بڑے زور سے انہیںامور کے لئے جو ہم اوپر بیان کر آئے ہیں تحریک کی…بہر حال یہ رسالہ آریوں کا ان لوگوں کی طرف سے ہے جنہوںنے بغرض مقابلہ ویدوقرآن ایک ایسے رسالہ کی تالیف کیلئے ہم سے درخواست کی ہے جو قرآنی علوم اور حقائق کو بیان کرنے والا ہو۔چنانچہ وہ فرماتے ہیں کہ اول تومرزاکا اس کام کاارادہ ہی وہم وخیال ہے کیونکہ وہ ہندوئوں کے ساتھ بحث مباحثہ کا نام لینے کے بھی لائق نہیں ،کتب مذہبی سے بے بہرہ محض ہے حتیٰ کہ حروف شناسی سے بھی محروم مطلق ہے پھر اگر شرمے شرمائے اس کام کو شرو ع کرے گا تو آخر نیچا دیکھے گا۔صرف آیات قرآنی سے اپنا مدعا ثابت کرکے دکھلاوے ورنہ ہم خوب بنائیں گے۔ قرآن سے ہرگز کوئی بات علم کی برآمد نہیں ہوگی اورجہلاء عرب کو علم سے کام ہی کیا تھا اور تمام جہان میں جوعلم ظاہر ہواہے وہ ویداقدس کی بدولت ہے۔مرزاکو ہم اعلانیہ متنبہ کرتے ہیں