(۶)… دجال کے انہی افعال کے دوران اللہ حضرت عیسیٰ علیہ السلام بن مریم کو بھیجیں گے۔وہ دمشق کے مشرق میں سفید منارے کے پاس زرد رنگ کے حلے پہنے ہوئے دو فرشتوں کے کندھوں پر ہاتھ رکھے ہوئے اتریں گے۔جب وہ اپنے سر کوجھکائیں گے تو اس سے سفید موتیوں کی طرح قطرے گریں گے اورجب وہ اپنے سرکو اٹھائیں گے تو اس سے سفید موتیوں کی طرح قطرے ٹپکیں گے اورجو کافر بھی ان کی خوشبو سونگھے گا ۔ہلاک ہوجائے گا اوران کی خوشبو وہاں تک پہنچے گی جہاں تک ان کی نظر جائے گی۔پس حضرت مسیح علیہ السلام دجال کو طلب کریں گے اوراسے باب لد پرپائیں گے تو اسے قتل کر دیں گے۔پھر حضرت عیسیٰ ابن مریم علیہ السلام کے پاس وہ قوم آئے گی جسے اللہ نے دجال سے محفوظ رکھا تھا‘‘ (مسلم شریف ج۲ص۴۰۱باب ذکر الدجال)
(۷)… ’’ہم سے اسماعیل بن ابی اویس …آنحضرتﷺنے فرمایا کہ مدینہ کے دروازوں پر فرشتے ہوں گے۔نہ اس میں طاعون جاسکے گا نہ دجال‘‘ (بخاری شریف ج۱پارہ اول حدیث نمبر۱۷۶۲) اللہ نے مرزاقادیانی کو بھی مدینہ جانے کی سعادت نصیب نہیں کی اورقادیان جس کو مرزاقادیانی مدینہ کا ہم پلہ قرار دیتے ہیںوہاں طاعون نے خاصی تباہی مچائی ۔یہیں سے ان کا کذب ثابت ہوجاتاہے۔
اس مختصر جائزہ سے ہی انسان کافی اندازہ کر لیتا ہے کہ ہم یہ بھی کہہ سکتے ہیں کہ مرزاقادیانی نے رسول پاکﷺکے بعد شکر ہے کہ یہ نہیں کہہ دیا کہ خدا کو بھی معلوم نہیں کہ دجال کیا ہوگا؟اوراگر مرزا قادیانی یہ بھی کہہ دیتے تو آپ اورمیں ان کا کیا کرلیتے؟ویسے تو ہم مرزا قادیانی کے الہامات پڑھیں تو کئی جگہ ایسا معلوم ہوتا ہے کہ نہ توالہام کرنے والے کو اورنہ ہی ملہم کو اندازہ ہے کہ یہ الہامات کیا ہیں یا ان کا مفہوم کیا ہے یا مقصد کیا ہے؟
لیکن آئیں یہ دیکھیں کہ آیا یہ (خودساختہ )امام الزمان ، جن کو بقول ان کے اللہ تعالیٰ ایک لمحہ غلطی پر نہیں رکھتا اوریہ بھی دعویٰ ہے کہ قرآن ان کو خدا نے ہر ذی روح سے زیادہ خود سکھایا ہے ۔دجال کی کیا تعریف کرتے ہیں؟
٭… ایک جگہ لکھتے ہیں :’’دجال معہود عیسائی ہیں ۔آنحضرتﷺکا فرمان ہے کہ جب تم دجال کو دیکھو تو سورۃ کہف کی پہلی آیات پڑھوبتلاتا ہے کہ عیسائی ہی دجال ہیں اگر دجال عیسائیوں کے علاوہ ہوتا تو سورۃ فاتحہ میں اس کا بھی ذکر کیاجاتا مگر نصاریٰ کے فتنے سے بچنے کے لئے دعا سکھلائی گئی ہے۔‘‘ (تحفہ گولڑویہ ص۷۳،خزائن ج۱۷ص۲۱۱،۲۱۲) پہلی بات تو یہ ہے کہ مرزا قادیانی جھوٹ کا سہارا لے کر بالواسطہ طور پر عیسائیوں کو آنحضورﷺکے حوالے سے دجال قرار دے
